කිසිදු සාධාරණ හේතුවක් නොමැතිව තමන්ව අපරාධ පරීක්ෂණ දෙපාර්තමේන්තුව විසින් ත්රස්තවාදය වැළැක්වීමේ පනත යටතේ අත්අඩංගුවට ගෙන රඳවා ගැනීමට එරෙහිව නැගෙනහිර පළාතේ හිටපු ප්රධාන අමාත්ය සිවනේසතුරෙයි චන්ද්රකාන්තන් හෙවත් පිල්ලෙයාන් විසින් ඉදිරිපත් කළ මූලික අයිතිවාසිකම් පෙත්සම මේ මස 18 වනදා කැඳවන ලෙස ශ්රේෂ්ඨාධිකරණය නියම කර තිබේ.
මෙම පෙත්සම අද (09) ශ්රේෂ්ඨාධිකරණය හමුවේ කැඳවූ අතර ඉදිරිපත් වූ කරුණු සලකා බැලූ ත්රිපුද්ගල විනිසුරු මඩුල්ල එය විභාගය සඳහා ලබන 13 කැඳවීමටයි නියම කර ඇත.
මෙම පෙත්සමේ වගඋත්තරකරුවන් ලෙස අපරාධ පරීක්ෂණ දෙපාර්තමේන්තුවේ අධ්යක්ෂවරයා, පොලිස්පතිවරයා, නීතිපතිවරයා ඇතුළු පිරිසක් නම් කර තිබේ.
කිසිදු සාධාරණ හේතුවක් නොමැතිව ත්රස්තවාදය වැළැක්වීමේ පනත යටතේ තමන්ව අත්අඩංගුවට ගෙන රැඳවුම් නියෝග මත රඳවා ගැනීම නීතියට පටහැනි බවත් ඒ තුළින් සිය මූලික මිනිස් අයිතිවාසිකම් උල්ලංඝනය වී ඇති බවත් තීන්දුවක් ලබාදෙන ලෙස පෙත්සම්කරු ඉල්ලා සිටී.
