සියල්ලටම ප්රථම රට, යන අදහස ඇතිව සියලු දෙනා නව වසරේ දී කටයුතු කළ යුතු බව කොළඹ අගරදගුරු අතිඋතුම් මැල්කම් කාදිනල් රංජිත් හිමිපාණෝ පවසති.
නව වසර වෙනුවෙන් විශේෂ සුබ පැතුම් පණිවිඩයක් නිකුත් කරමින් උන්වහන්සේ මේ බව සඳහන් කළහ. 2026 නව වසර ආරම්භ වන මේ මොහොතේ සියලු කතෝලික ජනතාවගෙන් මෙන්ම සියලුම ජනතාවගෙන් ඉල්ලා සිටින්නේ ඉතාම භයානක ව්යසනයකට ගොදුරු වූ රට නැවත ගොඩනඟා ගැනීමට සියලු දෙනා සහෝදරත්වයෙන් එකමුතුව, එදිරිවාදිකම්, දේශපාලන බෙදීම් ආදියෙන් තොරව, රට ගොඩනැඟීම වෙනුවෙන් කටයුතු කරන ලෙසයි.
එවැනි එකමුතුවක් තුළින් මේ රටේ ආර්ථික පීඩාවන්ට ගොදුරුවී සිටින ජනතාව ගොඩගැනීමට අවශ්ය ශක්තිය ධෛර්යය අපට ලැබෙනවා ඇති.
එකමුතුකම වර්ධනය කරමින් රටට ආදරය කරන හදවතකින් යුතුව සියල්ලටම ප්රථම රට කියන අදහස ඇතිව අප සියලු දෙනාම මේ වසරේ දී කටයුතු කරමු.
එවැනි බලාපොරොත්තු සපල වන සුබ නව වසරක් වේවා කියා මා ප්රාර්ථනා කරනවා.
