‘දිට්වා’ සුළි කුණාටුවෙන් ඇතිවූ ආපදාවෙන් පූර්ණ නිවාස හානි වූ පවුල් සඳහා නව නිවාස ඉදිකිරීම සඳහා ඉඩම් පරිත්යාග කිරීමට පරිත්යාගශීලි ජනතාවට අවස්ථාව උදා වී තිබේ. පූර්ණ හානි වූ නිවාස ඉදිකර දීමේ ව්යාපෘතිය මේ වන විටත් රජය විසින් ආරම්භ කර ඇති අතර ඊට පරිත්යාගශීලීන්ට අවස්ථාවක් මේ තුළින් ලබා දී ඇත.
www.rebuildingsrilanka.gov.lk වෙබ් අඩවියෙන් හෝ 1800 යන දුරකතන අංකය ඇමතීමෙන් ඒ පිළිබඳ වැඩිදුර තොරතුරු ලබා ගත හැකිය.
ඉඩම් පරිත්යාගශීලීන්ගේ තොරතුරු 0112331246 යන ෆැක්ස් අංකයටද යොමු කළ හැකිය. ආපදාවෙන් පීඩාවට පත් කිසිදු පුරවැසියකු අත්නොහැර, ඔවුන්ගේ ජීවිත පැවැති තත්වයට වඩා උසස් මට්ටමකින් යළි ගොඩනැඟීම රජයේ අපේක්ෂාව වන අතර එම සහෝදර ජනතාව වෙනුවෙන් ‘Rebuilding Sri Lanka’ වැඩසටහන සමඟ සක්රියව අත්වැල් බැඳ ගන්නා ලෙස දිවයින පුරා සියලු පරිත්යාගශීලි ජනතාවට ඒ අනුව ආරාධනා කෙරේ.
‘දිට්වා’ සුළි කුණාටුව සමඟ ඇති වූ ආපදා තත්වය හේතුවෙන් විශාල පිරිසකට නිවාස සහ දේපොළ අහිමි වී ඇති අතර, පීඩාවට පත් ජනතාව යළි නඟාසිටුවීම සහ රට යළි ගොඩනැඟීම වෙනුවෙන් රජය Rebuilding Sri Lanka වැඩසටහන මේ වන විට ආරම්භ කර තිබේ.
උපාලි කරුණාරත්න
