දිට්වා සුළි කුණාටුව හේතුවෙන් ආර්ථිකමය වශයෙන් ඇති විය හැකි බලපෑම්වලට මුහුණ දීම සඳහා ජාත්යන්තර මූල්ය අරමුදලෙන් හදිසි මූල්යාධාර ලෙස ශ්රී ලංකාවට ඇමරිකානු ඩොලර් මිලියන 206ක් ලබා දීමට අනුමැතිය පළ කර ඇත.
එම මුදල ආපසු ගෙවීමට වසර තුනත් පහත් අතර කාලයක් හිමිවී ඇතැයි කම්කරු ඇමැති සහ මුදල් සහ ක්රමසම්පාදන නියෝජ්ය ඇමැති මහාචාර්ය අනිල් ජයන්ත ප්රනාන්දු මහතා ප්රකාශ කළේය.
පසුගිය නොවැම්බර් 28 වන දින ඇති වූ සුළි කුණාටුවෙන් 600කට වැඩි පිරිසක් මිය ගිය අතර, 100,000කට අධික පිරිසක් අවතැන් වූහ. එසේම, ආපදා තත්ත්වයට මුහුණ දුන් ප්රදේශවල යටිතල පහසුකම් සහ ජනතාවගේ ජීවනෝපායන්ද පුළුල් ලෙස හානියට ලක් වූ අතර, මෙහි ප්රතිඵලයක් ලෙස මෙරට ආදායමට සහ ගෙවුම් ශේෂයට බලපෑමක් ඇතිව තිබේ.
ජාත්යන්තර මූල්ය අරමුදලින් මෙවැනි ආපදාවක දී හදිසි සහ ක්ෂණිකව එහි සාමාජික රටවල් ණය පහසුකම් ඉල්ලා සිටින අතර ශ්රී ලංකාවට ද මෙවර හිමි වූයේ එවැනි ණය පහසුකමක් යැයි ද ඇමැතිවරයා පැහැදිලි කළේය.
විදේශ විනිමය 5ක් යටතේ මෙම ණය මුදල මෙරටට ලැබෙනු ඇත. එහිදී ඒ සඳහා අය කරන පොලී අනුපාත ඉතාම පහළ අගයක් ගනී. පොලිය අනුපාත කොටස් තුනක් යටතේ ක්රියාත්මක වේ.
මේ ආකාරයට ලබාගත ණය මුදලට පොලී අනුපාත ගණනය කිරීමේ දී සතියෙන් සතිය ඒ සම්බන්ධයෙන් විවරණයක් කරනු ඇත.
ජාත්යන්තර මූල්ය අරමුදලින් ශ්රී ලංකාව මෙතෙක් ලබාගෙන ඇති ණය පහසුකම් කිසිදු ආකාරයකින් ගෙවීම පැහැර හැර නොමැති වීම නිසා වාරික හා පොලී ආපසු ගෙවීමේ දී අයකරන දඩගාස්තු මෙම ණය පහසුකමට අයත් නොවේ. ඒ අනුව ඉතාමත්ම සුපිරිසුදු රටක් ලෙස ණය ආපසු ගෙවීමට අපට හැකියාව තිබේ.
වසර තුනත් පහත් අතර කාලයකින් ලබාගත් මෙම ණය පහසුකම ආපසු ගෙවීමට ශ්රී ලංකාව මුළුමනින්ම කැපවන බවත්, ඒ සඳහා රාජ්ය ණය කළමනාකරණ දෙපාර්තමේන්තුව විධිමත්ව ක්රියා කරන බව පෙන්වා දුන් ඇමැතිවරයා, එම නිසා මෙම ණය මුදලට අදාළව අධිභාරයක් ගෙවීමට සිදු නොවනු ඇතැයි විශ්වාසය පළ කළේය.
ජයසිරි මුණසිංහ, උපාලි කරුණාරත්න
