නවක වදයට මුහුණ දෙන සිසුන් හට ඒ පිළිබඳව දැනුම්දීම සඳහා සෑම විශ්ව විද්‍යාලයකටම නිලධාරියෙකු බැගින් යෙදවීමට අධ්‍යාපන උසස් අධ්‍යාපන හා වෘත්තීය අධ්‍යාපන අමාත්‍යාංශය තීරණය කර තිබෙනවා.
එක් එක් විශ්ව විද්‍යාලවල පාලක සභාවට අනුයුක්තව එම නිලධාරියා පත්කරන බවයි නියෝජ්‍ය අමාත්‍ය, වෛද්‍ය මධුර සෙනෙවිරත්න සඳහන් කර සිටියේ.
ඒ පිළිබඳ සාකච්ඡා කිරීම සඳහා සියලු රාජ්‍ය විශ්ව විද්‍යාලවල උප කුලපතිවරුන් කොළඹට කැඳවා ඇති බවද, අධ්‍යාපන අමාත්‍ය, අග්‍රාමාත්‍ය හරිනි අමරසුරියගේ ප්‍රධානත්වයෙන් එම සාකච්ඡාව පැවැත්වෙනු ඇති බවද ඔහු වැඩිදුරටත් පවසා සිටියා.
