ශ්රී ලංකාවේදී පළමු වරට සංවිධාන කරන ලංකා ටී10 සුපර් ලීග් ක්රිකට් තරගාවලිය ආරම්භ කරමින් ඊයේ පැවති පළමු තරගයේදී දසුන් ශානක මෙහෙයවන හම්බන්තොට බංග්ලා ටයිගර්ස් පිල කඩුලු 8කින් පරාජය කිරීමට ඩේවිඩ් වීස් නායකත්වය දෙන ජැෆ්නා ටයිටන්ස් කණ්ඩායම සමත් විය.
පල්ලෙකැලේ ජාත්යන්තර ක්රීඩාංගණයේදී ඊයේ පස්වරුවේ පැවති මේ තරගයේ පළමුව පන්දුවට පහරදුන් හම්බන්තොට පිල කඩුලු 8ක් දැවී ලකුණු 106ක් රැස් කළ අතර, පිළිතුරු ඉනිම ක්රීඩා කළ ජැෆ්නා පිල ඕවර 8.1කදී ජය තහවුරු කර ගත්තේ කඩුලු 2ක් පමණක් අහිමි කර ගනිමිනි.
ජැෆ්නා පිළිතුරු ඉනිමේදී මුල් කඩුලු 2 ලකුණු 32ක් තුළ බිඳ වැටුණ ද ඉනිමට වේගවත් ආරම්භයක් දුන් ටොම් කෝලර් කැඩ්මෝර් පන්දු 21කදී හතරේ පහර 6ක් සහ හයේ පහර 4ක් සමඟ නොදැවී ලකුණු 57ක් රැස් කරමින් කණ්ඩායම ජයග්රහණය කරා ගෙන ගියේය. චරිත් අසලංක ලකුණු 12කට දෙවැනි කඩුල්ල ලෙස දැවීයෑමෙන් පසු ටොම්ට එක්වූ ටොම් ඇබෙල් නොදැවී ලකුණු 33ක් රැස් කළේ පන්දු 19කදී හතරේ පහර 5ක් සමඟිනි. පන්දු යැවීමේදී ඉසුරු උදාන සහ තරිඳු රත්නායක කඩුල්ල බැගින් දවාගත්හ.
දසුන් ශානක
පළමුව පන්දුවට පහරදුන් හම්බන්තොට ඉනිම ඇරඹූ කුසල් ජනිත් පෙරේරා පළමු පන්දුවෙන්ම දැවීයෑමෙන් පසු පිටියට පිවිසි නායක දසුන් ශානක
ට්රවීන් මැතිව්
මේ තරගාවලියේ පළමු අර්ධ ශතකය රැස් කරමින් කණ්ඩායම ඉදිරියට ගෙන ගියේය. පන්දු 16කින් ලකුණු 51ක් රැස් කළ ඔහු හතරේ පහර 4කින් සහ හයේ පහර 5කින් ඉනිම වර්ණවත් කර ගත් අතර, මොහොමඩ් ෂාසාඩ් ලකුණු 22ක් ඉනිමට එක් කළේය. කෙසේ වෙතත් දසුන් සමඟ පිතිකරුවන් 6 දෙනකු ලකුණු 9ක් තුළ දැවීයෑමෙන් හම්බන්තොට පිලට විශාල ලකුණු සංඛ්යාවක් කරා යෑමට තිබූ අවස්ථාව අහිමි වී ගියේය. විශිෂ්ට පන්දු යැවීමක නිරත වූ ට්රවීන් මැතිව් සිය ඕවර 2කදී ලකුණු 10කට කඩුලු 4ක් බිඳ දැමූ අතර, ඔහු තරගයේ වීරයා ලෙස ද නම් කෙරිණි. ඩ්වේන් ප්රිටෝරියස්, ප්රමෝද් මධුෂාන් සහ මොහොමඩ් අමීර් කඩුල්ල බැගින් දවා ගත්හ.
මේ අතර තරගාවලියේ දෙවැනි තරගය වූ නුවරඑළිය කිංග්ස් සහ කලම්බු ජගුවර්ස් කණ්ඩායම් අතර තරගය වර්ෂාව හේතුවෙන් විසඳුමකින් තොරව නිමා විය. පස්වරු 6.15ට ආරම්භ වූ තරගයේදී නුවරඑළිය පිල පළමු පන්දුවට පහර දෙමින් සිටියදී වර්ෂාවෙන් බාධා ඇති වූ අතර, ඒ වන විට ඔවුන් ඕවර 6කදී කඩුල්ලක් දැවී ලකුණු 79ක් රැස් කර තිබිණි. ආරම්භක පිතිකරු අවිශ්ක ප්රනාන්දු පන්දු 18කදී හතරේ පහර 3ක් සහ හයේ පහර 5ක් සමඟ නොදැවී ලකුණු 50ක් සහ උමාර් අක්මාල් නොදැවී ලකුණු 2ක් රැස් කර තිබිණි.
අවිශ්ක සමඟ ඉනිම ඇරඹූ ධනුෂ්ක ගුණතිලක පන්දු 12කින් ලකුණු 12ක් රැස් කර සිටියදී ඔහු පිටියෙන් ඉවත් කර ගැනීමට පුහුණුකරු කටයුතු කළේය.
තරගාවලියේ තෙවැනි තරගය ඊයේ රාත්රියේ කැන්ඩි බෝල්ට්ස් සහ ගොල් මාවල්ස් අතර පැවැත්වීමට නියමිතව තිබිණි.
හම්බන්තොට බංග්ලා ටයිගර්ස් – 106/8 (ඕවර 10) දසුන් ශානක 51, මොහොමඩ් ෂාසාඩ් 22 (ට්රවීන් මැතිව් 10/4)
ජැෆ්නා ටයිටන්ස් – 107/2 (ඕවර 8.1) ටොම් කෝලර් කැඩ්මෝර් නොදැවී 57, ටොම් ඇබෙල් නොදැවී 33
