රාජ්ය සේවයට දේශපාලන බලපෑම් නොකරන නමුත් අවශ්ය තැනදි අවශ්ය වෙලාවේදි අදාළ මැදිහත්වීම ලබාදෙන බව රත්නපුර දිස්ත්රික් සම්බන්ධිකරණ කමිටුවේ නව සභාපති ජාතික ජන බලවේගයේ රත්නපුර දිස්ත්රික් පාර්ලිමේන්තු මන්ත්රී ශාන්ත පද්මකුමාර මහතා පැවසීය.
සිමිත රාජ්ය නිලධාරීන් පිරිසක් පැරණි දේශපාලන ලැදියාවන් සමඟ කටයුතු කරන බවට තොරතුරු ඇතැයි ද කී මන්ත්රීවරයා එය වෙනස් කර ජනතාව දුන් ජනවරමේ ප්රතිපත්ති අනුව කටයුතු කරන්නේ දැයි බැලීමට කාලයක් දෙන බව සඳහන් කළේය.
නව රජයේ පළමු රත්නපුර දිස්ත්රික් සම්බන්ධිකරණ කමිටු රැස්වීමේදී ඔහු මේ අදහස් පළ කළේය.
රත්නපුර දිස්ත්රික් සම්බන්ධීකරණ කමිටු රැස්වීම,රත්නපුර දිස්ත්රික් ලේකම් දිස්ත්රික් සම්බන්ධීකරණ කමිටු ලේකම්, වසන්ත ගුණරත්න මහතාගේ කැඳවීමෙන් හා රත්නපුර දිස්ත්රික් අධ්යක්ෂ (ක්රමසම්පාදන) ලලිත් බඹරබොටුව මහත්වරුන්ගේ සම්බන්ධීකරණයෙන් පැවැත්විණි. එහිදී දිස්ත්රික් සම්බන්ධිකරණ කමිටුවේ සභාපතිවරයා මෙසේද පැවසීය.
“රාජ්ය සේවකයන් සියයට අසූවක් නව රජය බලයට පත් කිරීමට ඡන්දය ලබාදීම ගැන ස්තුතිය පළ කරනවා. කැමති වුණත් අකමැති වුණත් ජනතාව තුළ රාජ්ය සේවය ගැන ඇත්තේ හොඳ චිත්රයක් නොවන බව කිව යුතුයි.එක පැත්තකින් ජනතාව කැමති නැහැ. අපේ පැත්තෙන් රාජ්ය නිලධාරින්ට බලපෑමක් කරන්නේ නැහැ.ජනතාව දුන් ජනවරම තේරුම්ගෙන කටයුතු කළොත් කිසිම ප්රශ්නයක් ඇති වන්නේ නැහැ.රටේ සෑම ක්ෂේත්රයක්ම කඩා වැටිලා. අපේ නිරීක්ෂණයට ලක්වූ තැන් කීපයක් තිබෙනවා. සීමිත නිලධාරීන් පිරිසක් තවමත් පසුගිය කාලයේ මෙන් කටයුතු කරන බව දැනගන්න තිබෙනවා.අපි කාලයක් දෙනවා. සදාචාරාත්මක ලෙස කටයුතු කරමු.
බුද්ධ ශාසන, ආගමික සහ සංස්කෘතික කටයුතු ඇමැති මහාචාර්ය හිනිදුම සුනිල් සෙනෙවි,නියෝජ්ය ඇමැති සුන්දරලිංගම් ප්රදීප්,රත්නපුර දිස්ත්රික් පාර්ලිමේන්තු මන්ත්රීවරුන් වන ඩී. සුනිල් රාජපක්ෂ, ජී. උපුල් කිත්සිරි, එල්.ආර්.කේ. වසන්ත පුෂ්ප කුමාර, නීතිඥ ආර්.ජී. නිලූෂා ලක්මාලි, හේෂාන් විතානගේ, බී. ආරියවංශ,සබරගමුව පළාත් ප්රධාන ලේකම් මහින්ද එස්. වීරසූරිය මහම මහත්මීහු ඇතුළු රාජ්ය නිලධාරීහු පිරිසක් මේ අවස්ථාවට සහභාගි වූහ.
