ප්රාථමික ශ්රේණියේ වෛද්ය නිලධාරී පත්වීම් සඳහා අයදුම්පත් කැඳවීමට සෞඛ්ය හා ජනමාධ්ය අමාත්යාංශය පියවර ගෙන තිබේ.
අමාත්යාංශය පැවසුවේ පසුගිය වසරේ ජූලි මස 04 වැනි දිනට සීමාවාසික පුහුණුව සාර්ථකව අවසන් කළ වෛද්ය උපාධිදාරීන් 453 දෙනා සඳහා මෙම අයදුම්පත් කැඳවන බවය.
අයදුම්පත් භාර ගැනීම මේ වන විට ආරම්භ කර ඇති අතර එම අයදුම්පත් එළැඹෙන අප්රේල් මස 04 වැනි දින දහවල් 12.00 වන දක්වා භාර ගනු ලබන බවත් නියමිත කාල සීමාව තුළ අයදුම්පත් ඉදිරිපත් කිරීම අනිවාර්ය බවද අමාත්යාංශය සඳහන් කළේය.
නියමිත අවසන් දිනයට පෙර අයදුම්පත් ඉදිරිපත් නොකරන අයදුම්කරුවන් සම්බන්ධයෙන් සෞඛ්ය හා ජනමාධ්ය අමාත්යාංශය කිසිදු වගකීමක් භාර නොගන්නා බවද අමාත්යාංශය නිකුත් කළ නිවේදනයේ වැඩිදුරටත් සඳහන් කර තිබේ.
