ශ්රී ලංකාව සමඟ පවත්නා විස්තීරණ ණය වැඩසටහනේ හයවැනි වාරිකයට අදාළ සමාලෝචනය සඳහා ජාත්යන්තර මූල්ය අරමුදලේ නියෝජිත කණ්ඩායමක් ශ්රී ලංකාවට පැමිණීමට නියමිතව තිබේ. එම නියෝජිත කණ්ඩායම මේ මස අවසානයේ මෙරටට පැමිණීමට නියමිත බව මුදල් හා ක්රමසම්පාදන නියෝජ්ය ඇමැති ආචාර්ය අනිල් ජයන්ත ප්රනාන්දු මහතා පවසයි.
මේ වනවිට ජාත්යන්තර මූල්ය අරමුදල මෙරටට ලබා දී ඇති ණය වාරික සංඛ්යාව 05ක් වන අතර මෙරට ආර්ථික කාර්යසාධනය සඳහා ජාත්යන්තර මූල්ය අරමුදලේ කොන්දේසි අනුව රජය විසින් ගෙන ඇති පියවර පිළිබඳ එහිදී පුළුල් ලෙස සමාලෝචනය කරනු ඇති බව ද එම සමාලෝචනයෙන් අනතුරුව හයවැනි ණය වාරිකය මුදාහැරීම සම්බන්ධයෙන් අවශ්ය එකඟතාවලට එළඹීමට නියමිත බව ද ඒ මහතා පෙන්වා දෙයි.
ඊට අමතරව ජාත්යන්තර මූල්ය අරමුදලේ සහය ලබන ආර්ථික ප්රතිසංස්කරණ වැඩසටහනේ කොන්දේසි සපුරාලීම සම්බන්ධයෙන් රජය ලබා ඇති ප්රගතිය ඇගයීමට මෙම සංචාරයේදී ප්රමුඛත්වය ලබා දෙන අතර මෙම ඇගයීම් ක්රියාවලියෙන් පසුව මූල්ය වැඩසටහනේ හයවන වාරිකය නිදහස් කිරීම සඳහා අවශ්ය එකඟතාවන්ට එළඹීමට හැකිවනු ඇතැයි අපේක්ෂා කරන බව ද නියෝජ්ය ඇමැතිවරයා ප්රකාශ කරයි.
මහින්ද අලුත්ගෙදර
