වසර 2021 ජනවාරියේදී සිදු කළ කතාවක් විකෘති කර වාර්තාමය චිත්රපටයක් විකාශය කිරීම හේතුවෙන් අමෙරිකානු ජනාධිපති ඩොනල්ඩ් ට්රම්ප් බීබිසී මාධ්ය සමාගමට එරෙහිව අපහාස නඩුවක් ගොනු කළ බව විදෙස් මාධ්ය වාර්තා කරයි. ෆ්ලොරීඩා ප්රාන්ත අධිකරණයේදී එම අපහාස නඩුව ගොනු කළ අමෙරිකානු ජනාධිපතිවරයා ඩොලර් බිලියන 5ක වන්දි මුදලක් ද ඉල්ලා ඇතැයි විදෙස් මාධ්ය වැඩිදුරටත් වාර්තා කරයි.
වසර 2020 අගභාගයේ පැවති අමෙරිකානු ජනාධිපතිවරණයේ පරාජයෙන් පසු 2021 ජනවාරි මස 6 වැනිදා වොෂින්ටන් නුවර කැපිටල් ගොඩනැඟිල්ලට කඩා වැදීමට සහ කැරැල්ලක් ඇති කිරීමට සිය හිතවාදීන් දිරිගන්වන අයුරු ඉස්මතු වන ආකාරයෙන් ට්රම්ප්ගේ කතාව විකෘති කළ බවට බීබීසී මාධ්ය සමාගමට චෝදනා එල්ල වූ අතර, ඒ පිළිබඳ කනගාටුව ප්රකාශ කරමින් එම සමාගමේ අධ්යක්ෂ ජනරාල් ටිම් ඩේව් සහ ප්රවෘත්ති අංශයේ ප්රධානි ඩෙබෝරා ටර්නස් පසුගියදා සිය ධුරවලින් ඉල්ලා අස්වී තිබිණි.
