දැඩි සත්කාර ඒකකයේ ප්‍රතිකාර ලබමින් සිටි හිටපු ජනාධිපති රනිල් වික්‍රමසිංහ මේ වන විට සාමාන්‍ය වාට්ටුවට යොමු කර ඇති බව සමගි ජන බලවේගයේ පාර්ලිමේන්තු මන්ත්‍රී හර්ෂ ද සිල්වා පවසනවා.
ඒ අනුව, හිටපු ජනාධිපති රනිල් වික්‍රමසිංහගේ සුවදුක් විමසීම සඳහා අද (29) කොළඹ ජාතික රෝහලට පැමිණීමෙන් පසුව මාධ්‍ය වෙත අදහස් දක්වමින් මන්ත්‍රීවරයා මේ බව සඳහන් කළා.
තමා පසුගිය දින කිහිපයේ ශ්‍රී ලංකාවේ නොසිටි බවත්, ඒ හේතුවෙන් හිටපු ජනාධිපතිවරයා බැලීමට අද දිනයේ පැමිණි බවත්, තමාව දේශපාලනයට ගෙන ආවේද හිටපු ජනාධිපතිවරයා බවයි මන්ත්‍රීවරයා වැඩිදුරටත් ප්‍රකාශ කර සිටියේ.
