නව මෝටර් රථයක් ලියාපදිංචි කිරීමේදී අංක තහඩු නිකුත් කිරීම තාවකාලිකව අත්හිටුවා ඇති බව මෝටර් රථ ප්‍රවාහන දෙපාර්තමේන්තුව පවසනවා.
අංක තහඩු වල හිඟතාවයක් හේතුවෙන් පසුගිය අප්‍රේල් 28 වැනිදා සිට එය තාවකාලිකව අත්හිටුවා ඇති බවයි එම දෙපාර්තමේන්තුව සඳහන් කරන්නේ.
නව මෝටර් රථයක් ලියාපදිංචි කිරීමේ දී අංක තහඩු නිකුත් කිරීම සිදු නොකළ ද, ඔවුන්ට අදාළ වාහන අංකය ලබාදීමට පියවර ගන්නා බවත්, මෝටර් රථ හිමිකරුවන්ට එම අංකය පිටපත් කර, වාහනයේ ප්‍රදර්ශනය කිරීමේ හැකියාව පවතින බවත් මෝටර් රථ ප්‍රවාහන කොමසාරිස් කමල් අමරසිංහ පවසා සිටියා.
මේ පිළිබඳව පොලීසිය දැනුවත් කිරිමටද පියවර ගෙන ඇති බවයි ඔහු වැඩිදුරටත් ප්‍රකාශ කළේ.
