නාවික හමුදාපති වයිස් අද්මිරාල් ප්‍රියන්ත පෙරේරා මහතා පෙරේදා (10) ආරක්‍ෂක නියෝජ්‍ය අමාත්‍ය කාර්යාලයේදී, ආරක්‍ෂක නියෝජ්‍ය ඇමැති මේජර් ජෙනරාල් අරුණ ජයසේකර (විශ්‍රාමික) මහතා හමුවිය. මේ නිල හමුවේදී, ජාතික ආරක්‍ෂාව හා සම්බන්ධ වැදගත් කරුණු පිළිබඳව නාවික හමුදාපතිවරයා සහ ආරක්‍ෂක නියෝජ්‍ය ඇමැතිවරයා අතර සුහද අදහස් හුවමාරුවක් සිදු කෙරුණු අතර, එම අවස්ථාව සනිටුහන් කරමින් නාවික හමුදාපතිවරයා විසින් ආරක්‍ෂක නියෝජ්‍ය ඇමැතිවරයා වෙත සමරු තිළිණයක් ද ප්‍රදානය කිරීම සිදුවිය.
