ශ්රී ලංකා පදනම් ආයතනයේ සේවකයන්ගේ වැටුප් ගෙවීම සඳහා 2025 අයවැය මගින් වෙන්කළ රුපියල් මිලියන 135ක මුදලින්, රුපියල් මිලියන 75ක මුදලක් යළි මහා භාණ්ඩාගාරය වෙත ලබාදී තිබේ.
එහි සභාපතිනී මහාචාර්ය සීතා බණ්ඩාර මහත්මිය විසින් ඊට අදාළ වෙක්පත, භාණ්ඩාගාර ලේකම් ආචාර්ය හර්ෂණ සූරියප්පෙරුම මහතා වෙත ඊයේ (07) ලබාදුන්නේය.
අයවැය මගින් ලබාදුන් පුනරාවර්තන වියදමක් මෙලෙස භාණ්ඩාගාරය වෙත ලබාදීමක් සිදුකර ඇත්තේ, ශ්රී ලංකා පදනම් ආයතන ඉතිසාහයේ පළමුවරටය.
ශ්රී ලංකා පදනම් ආයතනය 2025 වසර තුළදී රුපියල් මිලියන 416ක සමස්ත ආදායමක් රැස් කරගෙන ඇති අතර, එම වසරේ වියදම ලෙස වාර්තා වී ඇත්තේ රුපියල් මිලියන 340ක්ය.
ඒ අනුව 2026 මාර්තු මස 26 වැනිදා පැවැති කළමනාකරණ මණ්ඩල රැස්වීමේ දී ඉතිරි මුදල වූ රුපියල් මිලියන 75ක් නැවත භාණ්ඩගාරය වෙත ලබාදීමට අනුමැතිය හිමිව තිබේ.
