ඉන්දීය නාවික හමු­දාවේ යුද නැවක් පුහුණු වැඩ­ස­ට­හ­න­කට කොළඹ වරා­යට

ඉන්දීය නාවික හමු­දා­වට අයත් ‘INS NIREEKSHAK’ යුද නෞකාව පුහුණු වැඩ­ස­ට­හ­නක් සඳහා කොළඹ වරා­යට පැමි­ණෙයි.

ඉන්දීය නාවික හමු­දා­වට අයත් ‘INS NIREEKSHAK’ යුද නෞකාව ‘මිශ්‍ර වායු කිමි­දුම් පුහුණු’ (Mixed Gas Diving Training) වැඩ­ස­ට­හ­නක් පැවැ­ත්වී­මට ඊයේ (21) උදෑ­සන කොළඹ වරා­යට පැමිණි අතර, ශ්‍රී ලංකා නාවික හමු­දාව විසින් එම නෞකාව, නාවික හමුදා සම්ප්‍ර­දා­යා­නු­කු­ලව පිළි­ගැ­නීම සිදු කෙරිණි.

මෙලෙස කොළඹ වරා­යට පැමිණි Diving Support Vessel වර්ග­යට අයත් ‘INS NIREEKSHAK’ නෞකාවේ අණ­දෙන නිල­ධාරී ලෙස කොමා­ණ්ඩර් Sailesh Kumar Tyagi කට­යුතු කරයි.

මේ යුද නෞකාව දිව­යිනේ රැඳී සිටින කාලයේ ශ්‍රී ලංකා නාවික හමු­දාව සමඟ එක්ව ‘මිශ්‍ර වායු කිමි­දුම් පුහුණු’ (Mixed Gas Diving Training) වැඩ­ස­ට­හ­නක් පැවැ­ත්වී­මට නිය­මිත අතර, එම­ඟින් දෙරටේ කිමි­දුම් අංශ­යන්ගේ අත්දැ­කීම් හුව­මා­රුව සහ ශක්‍යතා වර්ධ­නය සඳහා අව­ස්ථාව සැල­සීම අපේක්‍ෂා කෙරේ. එමෙන්ම, එහි නැව් කාර්ය මණ්ඩ­ලය දෙරටේ නාවික හමුදා අතර සුහ­ද­ත්වය හා සහ­යෝ­ගි­තාව වර්ධ­නය කිරීමේ අර­මු­ණින් සංවි­ධාන කර ඇති වැඩ­ස­ට­හන් කිහි­ප­ය­කට සහ­භාගි වීම­ටත්, සංස්කෘ­තික වශ­යෙන් වැද­ගත් ස්ථාන කිහි­ප­යක් නැර­ඹී­මට සංචා­ර­යන්හි නිරත වීම­ටත් නිය­මි­තය.

රක්ෂණ ශ්‍රියන්ත