මෙරට සෞඛ්ය පද්ධතියේ ප්රගති සමාලෝචනයක් සිදු කිරීමට පැමිණි ලෝක සෞඛ්ය සංවිධානයේ (WHO) විශේෂඥ කණ්ඩායමක් සහ සෞඛ්ය හා ජනමාධ්ය අමාත්ය නලින්ද ජයතිස්ස මහතා අතර සාකච්ඡාවක් සෞඛ්ය හා ජනමාධ්ය අමාත්යාංශයේදී ඊයේ (20) පැවැත්විණි.
මෙහිදී මෙරට සෞඛ්ය පද්ධතියේ වත්මන් ක්රියාකාරිත්වය පිළිබඳවත්, ශ්රී ලංකාවේ ප්රාථමික සෞඛ්ය පද්ධතිය ශක්තිමත් කිරීමට රජය විසින් ක්රියාත්මක කරනු ලබන Òආරෝග්යා සුවතා මධ්යස්ථානÓ පිහිටුවීමේ වැඩපිළිවෙළෙහි ප්රගතිය පිළිබඳවත් දීර්ඝව සාකච්ඡාවට ලක්විය.
මෙහිදී අමාත්යවරයා පෙන්වා දුන්නේ, මෙම වැඩසටහන යටතේ මධ්යස්ථාන 1000ක් පිහිටුවීමට සැලසුම් කර ඇති බවත් බෝ නොවන රෝග පාලනය, රෝග කල්තියා හඳුනාගැනීම සහ ග්රාමීය ජනතාවට සමීප සෞඛ්ය සේවා ලබාදීම මෙහි ප්රධාන අරමුණු බවයි. එසේම ප්රාථමික සෞඛ්ය සේවා ඩිජිටල්කරණ වැඩසටහන් පිළිබඳවත්, එහි සාර්ථකත්වය සහ අභියෝග
පිළිබඳවත් අමාත්යවරයා පිරිසට කරුණු පෙන්වා දෙන ලදි.
එමෙන්ම බෝ නොවන රෝග පරීක්ෂාව, පිළිකා කල්තියා හඳුනාගැනීම, වැඩිහිටි සහන සත්කාර, පෝෂණ උපදේශන සේවා සහ රසායනාගාර පහසුකම් ඇතුළු සේවා මෙම මධ්යස්ථාන මඟින් ලබාදීමට කටයුතු කර ඇති බව ද සඳහන් කළේය. මෙම සමාලෝචනයෙන් ලැබෙන නිර්දේශ පදනම් කරගෙන ශ්රී ලංකාවේ සෞඛ්ය සේවා පද්ධතිය තවදුරටත් කාර්යක්ෂම සහ ජනතා කේන්ද්රීය පද්ධතියක් බවට පත්කිරීම රජයේ අපේක්ෂාව බව ද අමාත්යවරයා අවධාරණය කළේය.
මෙහි පළමු අදියර ලෙස, ලෝක සෞඛ්ය සංවිධානයේ අග්නිදිග ආසියානු කලාපීය කාර්යාලයේ උපදේශක මහාචාර්ය ටී. සුන්දරරාමන් මහතාගේ සහභාගිත්වයෙන් 2025 නොවැම්බර් මාසයේදී සාර්ථකව ක්රියාත්මක කරන ලද අතර එහි දෙවැනි අදියර යටතේ, මෙම විශේෂඥ කණ්ඩායම 20 සිට 24 දක්වා දිවයිනේ රැඳී සිටිමින් ක්ෂේත්ර චාරිකා සහ සවිස්තරාත්මක අධ්යයන කටයුතු සිදු කිරීමට නියමිතය.
නවෝද්යා තත්සරණි
