චීනයේ ජනතාව දැඩි කම්පනයට ලක් කරමින් පසුගිය දින කිහිපයේ එරට විවිධ පළාත්වල පාසල් සහ සාප්පු සංකීර්ණ ඇතුළු ජනතාව ගැවසෙන ස්ථානවලට රථවාහන කඩා වැදීමේ සිදුවීම් සහ තවත් ප්රචණ්ඩකාරී සිදුවීම් සැලකිල්ලට ගෙන පොදු ස්ථානවල රථවාහන ආරක්ෂක බාධක ඉහළ දැමීමට චීන රජය පියවර ගෙන ඇතැයි විදෙස් මාධ්ය වාර්තා කළේය. පසුගිය නොවැම්බර් මස මුල් භාගයේදී ෂූහෙයි නුවර ක්රීඩාංගණයකට අධික වේගයෙන් මෝටර් රථයක් කඩා වැදීමෙන් එහි ශාරිරීක ව්යායාම්වල නිරතව සිටි පුද්ගලයන් 35 දෙනකු ජීවිතක්ෂයට පත්වූ අතර, ෂැංඩොං පළාතේදී පාසල් බස් රථයක් පදිකයන් අතරට කඩා වැදීමෙන් සිසුන් ඇතුළු පුද්ගලයන් 11 දෙනකු ජීවිතක්ෂයට පත්වූ බව විදෙස් මාධ්ය වැඩිදුරටත් වාර්තා කළේය.
එවැනි මාර්ග බාධක නිෂ්පාදනය කරන සමාගම් සඳහන් කර ඇත්තේ පසුගිය මාසවලට සාපේක්ෂව නොවැම්බර් මාසයේදී සිය නිෂ්පාදන සඳහා ඇති ඉල්ලුම සැලකිය යුතු ආකාරයෙන් ඉහළ ගිය බවය. එමෙන්ම ලබන ජනවාරියේදී ඉල්ලුම තවත් ඉහළ යනු ඇතැයි අපේක්ෂා කරන බැවින් නව සේවකයන් බඳවා ගැනීමට ද එම සමාගම් තීරණය කර ඇතැයි වාර්තා වේ.
