නීතිවිරෝධී ලෙස මෙරටට රැගෙන හා රුපියල් කෝටියක් පමණ වටිනා ඖෂධ තොගයක් සමග කාන්තාවක් ඇතුළු පුද්ගලයින් සිව්දෙනෙකු කටුනායක ගුවන් තොටුපළේ දී අත්අඩංගුවට ගෙන තිබේ.
ගුවන් තොටුපළ හරිත මාවත ඔස්සේ එම ඖෂධ රැගෙන ඒමට උත්සහ කිරීමේදී අද (07) අලුයම ගුවන් තොටුපොළ රේගු නිලධාරීන් විසින් සැකකරුවන් අත්අඩංගුවට ගත් බව අද දෙරණ ගුවන්තොටුපළ වාර්තාකරු පැවසුවේය.
සැකකරුවන් කොළඹ ප්රදේශයේ පදිංචිකරුවන් වන අතර ඔවුන් ඉන්දියාවේ බැංගලෝර් නුවර සිට කටුනායක ගුවන් තොටුපොළ වෙත පැමිණ තිබු බව සදහන්.
ඔවුන් විසින් රැගෙන ආ ගමන් මලු 08ක් තුළ තිබී එන්නත්, පෙති, කරල් සහ ආලේපන ඇතුළු ඖෂධ තොගයක් රේගු නිළධාරීන් විසින් සොයාගෙන ඇත.
මෙම ඖෂධ පිළිබද රේගුවට ප්රකාශ කර නොතිබුණු අතර සෞඛ්ය අමාත්යංශයේ සහ ශ්රී ලංකා ඖෂධ නියාමන අධිකාරියේ නිසි අවසරයකින් තොරව මෙරටට රැගෙන විත් ඇති බව සඳහන් වේ.
සිද්ධිය සම්බන්ධයෙන් කටුනායක ගුවන් තොටුපොළ රේගු නිලධාරීන් වැඩිදුර විමර්ශන සිදු කරයි.
