ටික්ටොක් සමාගම සිය තරගකාරී ආයතන බොහෝමයක් භාවිත කරන “අන්තයේ සිට අන්තයට සංකේතනය” (End-to-End Encryption – E2EE) නැමැති මතභේදාත්මක රහස්යතා විශේෂාංගය හඳුන්වා නොදීමට තීරණය කර තිබෙනවා.
ඔවුන් පවසන්නේ මෙමගින් පරිශීලකයන්ගේ ආරක්ෂාව අඩු වන බවයි.
E2EE යනු පණිවිඩයක් යවන්නාට සහ ලබන්නාට පමණක් එහි අන්තර්ගතය නැරඹිය හැකි තාක්ෂණයක්.
මෙය සාමාන්ය ජනතාවට ලබාගත හැකි වඩාත් ආරක්ෂිත සන්නිවේදන ක්රමය ලෙස සැලකෙනවා.
ෆේස්බුක්, ඉන්ස්ටග්රෑම් සහ X වැනි වේදිකා සිය ප්රමුඛතාවය පරිශීලක රහස්යතාව බව පවසමින් මෙය භාවිත කරනවා.
කෙසේ වෙතත්, විවේචකයන් පවසන්නේ E2EE හරහා හානිකර අන්තර්ගතයන් අන්තර්ජාලය ඔස්සේ පැතිරීම වැළැක්වීම අපහසු වන බවයි.
මන්ද, එමගින් පොලිසියට හෝ අදාළ සමාගම්වලට පෞද්ගලික පණිවිඩ (DMs) පරීක්ෂා කිරීමට නොහැකි වන බැවින්.
ටික්ටොක් සමාගම ප්රථම වරට බීබීසී පුවත් සේවයට ප්රකාශ කළේ, මෙම තාක්ෂණය මගින් පොලිසියට සහ ආරක්ෂක කණ්ඩායම්වලට අවශ්ය අවස්ථාවකදී පණිවිඩ කියවීමට ඇති බාධාව ගැන තමන් සැලකිලිමත් වන බවයි.
විශේෂයෙන්ම තරුණ පරිශීලකයන් අපයෝජනයන්ගෙන් සහ හානිකර ක්රියාවලින් ආරක්ෂා කිරීම සඳහා මෙම තීරණය ගත් බව ඔවුන් පවසනවා.
එක්සත් රාජධානියේ ළමා ආරක්ෂක සංවිධාන (NSPCC සහ IWF) ටික්ටොක්හි මෙම තීරණය අගය කර තිබෙනවා.
ඔවුන් පවසන්නේ E2EE තාක්ෂණය නිසා ළමා ලිංගික අපයෝජන දර්ශන හඳුනා ගැනීමට ඇති හැකියාව අඩුවන බවයි.
කෙසේ වෙතත්, සරේ විශ්වවිද්යාලයේ සයිබර් ආරක්ෂණ මහාචාර්ය ඇලන් වුඩ්වර්ඩ් පවසන්නේ මෙම තීරණය පිටුපස “චීන බලපෑම” තිබිය හැකි බවයි.
චීනය තුළ E2EE තාක්ෂණය බොහෝ දුරට තහනම් කර තිබෙනවා.
ටික්ටොක් අවධාරණය කරන්නේ තමන් සාමාන්ය සංකේතන ක්රම (Gmail වැනි) භාවිත කරන බවත්, පණිවිඩ පරීක්ෂා කරනු ලබන්නේ වලංගු නීතිමය ඉල්ලීමකදී හෝ හානිකර හැසිරීමක් වාර්තා වූ විට බලයලත් සේවකයන් විසින් පමණක් බවත්.
