ශ්රී ලංකාවේ සහ මාලදිවයිනේ, ඉතාලි තානාපති ලෙස සේවය කරන Damiano Francovigh මහතා ආරක්ෂක අමාත්යාංශ පරිශ්රයේදී ආරක්ෂක ලේකම් විශ්රාමික එයාර් වයිස් මාර්ෂල් සම්පත් තුයියකොන්තා හමුව තිබේ.
මෙහිදී ආරක්ෂක ලේකම් විසින් නව තානාපතිවරයා ඉතා උණුසුම් අයුරින් පිළිගත් අතර, ඉන් අනතුරුව පැවති සුහද සාකච්ඡාව වඩාත් ඵලදායි අන්දමින් පැවැත් වූ බව සඳහන් වේ.
මෙම හමුවේදී දෙරටටම වැදගත් වන ද්විපාර්ශ්වික කරුණු පිළිබඳව සාකච්ඡා කෙරුණු අතර, එහිදී දෙරට අතර පවතින සබඳතා තවදුරටත් ශක්තිමත් කිරීම සහ ආරක්ෂක ක්ෂේත්රයේ සහයෝගීතාව ඉහළ නැංවීම පිළිබඳව විශේෂ අවධානයක් යොමු ව තිබේ.
ඉතාලිය සහ ශ්රී ලංකාව අතර පවතින දීර්ඝකාලීන සබඳතාව පිළිබඳව සිය ප්රසාදය පළ කළ තානාපති Francovigh මහතා, විවිධ ක්ෂේත්ර ඔස්සේ සහයෝගීතාව පුළුල් කිරීම සඳහා ශ්රී ලංකා බලධාරීන් සමඟ සමීපව කටයුතු කිරීමට තම කැමැත්ත මෙහිදී යළි තහවුරු කළේය.
