අමෙරිකානු ඩොලර් මිලියන 2.5ක මුදලක් අස්ථානගතවීමේ සිද්ධිය සම්බන්ධයෙන් මුදල් අමාත්යාංශය විසින් පාර්ලිමේන්තුවේදී විශේෂ ප්රකාශයක් සිදු කිරීමට නියමිතව තිබේ.
එය ලබන පස්වෙනිදා මුදල් සහ ක්රමසම්පාදන නියෝජ්ය අමාත්ය අනිල් ජයන්ත මහතා විසින් සිදු කිරීමට බොහෝදුරට ඉඩ ඇති බව එම අමාත්යාංශ ආරංචි මාර්ග සඳහන් කරයි.
මේ අතර අදාළ සිද්ධිය සම්බන්ධයෙන් මුදල් අමාත්යාංශ ලේකම් හර්ෂණ සූරියප්පෙරුම මහතා අද (30) පස්වරු 1ට රජයේ මුදල් පිළිබඳ කාරක සභාව (COPF) හමුවේ පෙනී සිටීමට නියමිත බව වාර්තා විය.
ඒ, එම කාරක සභාවේ සභාපති හර්ෂ ද සිල්වා මහතා විසින් සිදු කළ දැනුම්දීමකට අනුවය.
ඒ අනුව මුදල් අමාත්යාංශ ලේකම් හර්ෂණ සූරියප්පෙරුම මහතා ඇතුළු මුදල් අමාත්යාංශයේ උසස් නිලධාරීන්ගෙන් එහිදී ඩොලර් මිලියන 2.5ක මුදල් අස්ථානගතවීම සම්බන්ධයෙන් කරුණු විමසීමට නියමිතය.
කෙසේවෙතත් මීට පෙර රාජ්ය මුදල් කාරක සභාව හමුවේ පෙනි සිටීමට නොහැකි බව දන්වමින් භාණ්ඩාගාර ලේකම්වරයා විසින් ඊයේ (29) ලිපියක් යොමු කළ බව එහි සභාපති හර්ෂ ද සිල්වා මහතා ප්රකාශ කළේය.
ඊට ප්රතිචාර දක්වමින් ජනමාධ්ය නියෝජ්ය අමාත්ය කෞෂල්යා ආරියරත්න මහත්මිය ප්රකාශ කළේ, භාණ්ඩාගාර ලේකම් හර්ෂණ සූරියප්පෙරුම මහතා රජයේ මුදල් පිළිබඳ කාරක සභාව (COPF) හමුවේ පෙනී සිටීම ප්රතික්ෂේප කර නොමැති බවය.
