රාජ්ය සේවයේ ස්ථීර විශ්රාම වැටුප් සහිත පත්වීම් ලැබූ බවට ව්යාජ ලේඛන ඉදිරිපත් කරමින්, සේවක අර්ථසාධක අරමුදලේ (EPF) මුදල් වංචනික ලෙස ලබාගැනීමට ආධාර අනුබල දුන් බව කියන සැකකරුවකු මධ්යම අපරාධ විමර්ශන කාර්යාංශය විසින් අත්අඩංගුවට ගෙන තිබේ.
මෙම මුදල් වංචාව සම්බන්ධයෙන් මධ්යම අපරාධ විමර්ශන කාර්යාංශය වෙත ලැබුණු පැමිණිල්ලක් මත විමර්ශන ආරම්භ කර තිබූ අතර, එහිදී අනාවරණය වී ඇත්තේ ව්යාජ ලේඛන ඉදිරිපත් කරමින් සාපරාධී ලෙස විශ්වාසය කඩකරමින් මෙම මුදල් ලබාගෙන ඇති බවයි.
මෙම අපරාධය සඳහා කුමන්ත්රණය කිරීම සහ ආධාර අනුබල දීම සම්බන්ධයෙන් මීට පෙර සැකකරුවන් 06 දෙනකු සහ සැකකාරියන් දෙදෙනකු අත්අඩංගුවට ගෙන අධිකරණයට ඉදිරිපත් කිරීමෙන් පසු රක්ෂිත බන්ධනාගාරගත කර තිබුණි.
පොලීසිය සඳහන් කරන පරිදි, මෙම සිද්ධිය සම්බන්ධයෙන් සිදු කළ වැඩිදුර විමර්ශනවලදී මීට පෙර අත්අඩංගුවට ගත් සැකකාරියකගේ ස්වාමිපුරුෂයා වන 32 හැවිරිදි මැදවච්චිය ප්රදේශයේ පදිංචිකරුවකු පෙරේදා (18) සවස මධ්යම අපරාධ විමර්ශන කාර්යාංශයේ නිලධාරීන් විසින් අත්අඩංගුවට ගනු ලැබීය.
අත්අඩංගුවට ගත් සැකකරු ඊයේ (19) මැදවච්චිය මහේස්ත්රාත් අධිකරණයට ඉදිරිපත් කිරීමට නියමිතව තිබූ අතර, මධ්යම අපරාධ විමර්ශන කාර්යාංශය විසින් සිද්ධිය සම්බන්ධයෙන් වැඩිදුර විමර්ශන මෙහෙයවනු ලබයි.
රක්ෂණ ශ්රියන්ත
