ශ්රීපාද වන්දනාවේ පැමිණ ආපසු නුවරඑලිය දක්වා ධාවනය වූ මෝටර් රථයක් මාර්ගයෙන් ඉවතට පැන අඩි 15ක් පමණ ප්රපාතයට පැන පසුගිය 13 වෙනිදා අනතුරකට ලක්වූ මෝටර් රථයේ රියදුරා මත්ද්රව්ය පානය කර ඇති බවට අනාවරණවී ඇත.
ඒ ඔහු දික්ඔය මුලික රෝහලට ඇතුලත් කිරීමෙන් අනතුරුව සිදු කළ වෛද්ය පරීක්ෂණයකදීය.
නෝර්වුඩ් පොලිසියේ නිලධාරියෙකු සඳහන් කළේ, අදාළ අනතුරින් තුවාල ලැබූ එම මෝටර් රථයේ ගමන්ගත් රියදුරා, කාන්තාවක් ඇතුලු තිදෙනෙකු දික්ඔය මූලික රෝහල වෙත ඇතුළත් කළ බවය.
මේ වනවිට රථයේ රියදුරා පමණක් එම රෝහලේ නේවාසිකව ප්රතිකාර ලබයි.
ඔහු රෝහලේ බැහැරවීමෙන් අනතුරුව අත්අඩංගුවට ගෙන මත්ද්රව්ය භාවිතා කළ මෝටර් රථය ධාවනය කිරීම සහ අපරික්ෂාකාරි ලෙස රිය ධාවනය කිරිම යන චෝදනා යටතේ හැටන් මහේස්ත්රාත් අධිකරණය හමුවේ නෛතික පියවර ගැනීමට නියමිතව ඇත.
පසුගිය 13 වෙනිදා පස්වරු 4:30ට පමණ එම අනතුර සිදු වී තිබුණේ හැටන් මස්කෙළිය ශ්රී පාද මාර්ගයේ නෝර්වුඩ් රෝක්වුඩ් ප්රදේශයේදීය.
ශ්රීපාද වන්දනාවේ පැමිණ ආපසු නුවරඑලිය දක්වා මෝටර් රථය ධාවනය කරවන අවස්ථාවේ රියදුරුට නින්දයෑමත් සමඟ මෝටර් රථය රියදුරුගේ පාලනයෙන් මිදි මාර්ගයෙන් ඉවතට පැන රෝක්වුඩ් වතුයායට පිවිසෙන මාර්ගයට පෙරලි මෙම අනතුර සිදුවී තිබුණි.
