වාහන ආනයනය සම්බන්ධයෙන් අතිරේක බද්දක් පනවා නැතැයි කම්කරු ඇමැති සහ මුදල් හා ක්රම සම්පාදන නියෝජ්ය ඇමැති ආචාර්ය අනිල් ජයන්ත ප්රනාන්දු මහතා ප්රකාශ කරයි. මේ වන විට සමාජ මාධ්ය සහ මහජනතාව අතර ඒ සම්බන්ධයෙන් දුර්මතයක් පැතිරයාම දක්නට ලැබෙන අවස්ථාවේ එහි සත්ය අසත්යතාව කුමක්දැයි අප කළ විමසුමට පිළිතුරු ලබා දෙමින් ඇමැතිවරයා එසේ පැවැසීය.
ඒ සම්බන්ධයෙන් කරුණු දැක්වූ ඇමැතිවරයා මෙසේද කියා සිටියේය.
“බය වෙන්න එපා, රැවටෙන්න එපා. අතිරේක බදු පනවා නැහැ. ඇතැම් ආනයනයකරුවන් සමාජයේ බයක් හදනවා භාණ්ඩ මිල වැඩිවෙයි කියලා, මතයක් හදනවා. එය ඔවුන්ගේ භාණ්ඩ විකුණා ගැනීමේ උපක්රමයක්. අපි කියනවා මහජනතාවට රැවටෙන්න එපා කියලා. තොරතුරු මත තීන්දු තීරණ ගන්න. එක එක්කෙනාගේ ප්රකාශ මත යන්න එපා, කිසිදු ආකාරයක අතිරේක බද්දක් පැනවීමට පියවර ගෙන නැහැ.
වාහන සම්බන්ධයෙන් තිබූ ගැටලුව තමයි සමාජ ආරක්ෂණ බද්ද. ආනයනය කරන අවස්ථාවේ දී එය අය කළේ නැහැ. අය කළේ භාණ්ඩය විකුණන අවස්ථාවේදී. අපි හිතමු උදාහරණයක් ලෙස රුපියල් මිලියන සියයක වාහනයක් ගෙන්වලා එය විකුණනවා රුපියල් මිලියන දෙසීයකට කියා.
අපි මෙහිදී සමාජ ආරක්ෂණ බද්ද අය කළේ විකුණන අවස්ථාවේදී. විකුණුම්කරු විසින් 2.5% බද්ද අය කරලා අප වෙත ගෙවිය යුතුයි. ඇතැම් දෙනා ඒ අවස්ථාවේදී බදු ගෙවන්නේ නැහැ. මේ නිසා එය අය කර ගැනීමට උපක්රමයක් ලෙස වාහනය ආනයනයේදීම රේගුවේ දී මේ බද්ද අය කිරීමට අපි තීන්දු කළා.
ජයසිරි මුණසිංහ
