ජනාධිපති අනුර කුමාර දිසානායක මහතා 2026 පෙබරවාරි 16 සිට 20 දක්වා ඉන්දියාවේ නවදිල්ලියේදී පැවැත්වෙන 2026 ඉන්දියා AI Impact සමුළුවට සහභාගී වීමට නියමිතය.
ඉන්දියානු විදේශ කටයුතු අමාත්යාංශය විසින් නිකුත් කරන ලද මාධ්ය නිවේදනයකට අනුව, මෙම සමුළුව සදහා ඉන්දීය රජය විසින් සත්කාරකත්වය දරනු ලබන අතර, කෘත්රිම බුද්ධියේ (AI) අනාගතය පිළිබඳව සාකච්ඡා කිරීම සඳහා ගෝලීය නායකයින්, ප්රතිපත්ති සම්පාදකයින්, නවෝත්පාදකයින් සහ විශේෂඥයින් එක්රැස් කරනු ඇත.
මෙම සමුළුවේ දී ජාත්යන්තර සහයෝගීතාවය සඳහා ඉන්දියාවේ ප්රවේශය ගෙනහැර දක්වන අතර ප්රධාන තේමාවන් තුනක් මත එය දියත් කරනු ලැබේ.
ප්රංශය, බ්රසීලය, ස්පාඤ්ඤය, නෙදර්ලන්තය, ස්විට්සර්ලන්තය, මොරිෂස් සහ එක්සත් අරාබි එමීර් රාජ්යය ඇතුළු රටවල් 20 කට වැඩි ගණනක නායකයින් සමඟ ඉන්දීය අග්රාමාත්ය නරේන්ද්ර මෝදි මහතාගේ ආරාධනයෙන් ශ්රී ලංකා ජනාධිපති අනුර කුමාර දිසානායක මහතා සහභාගී වනු ඇත.
එක්සත් ජාතීන්ගේ මහලේකම්වරයා සහ ජාත්යන්තර සංවිධාන කිහිපයක ජ්යෙෂ්ඨ නිලධාරීන් ද සමුළුවට එක්වීමට නියමිතය. ඊට අමතරව, රටවල් 45 කට අධික සංඛ්යාවක අමාත්ය දූත පිරිසක් මෙම සාකච්ඡාවලට සහභාගී වේ.
වගකිවයුතු කෘත්රිම බුද්ධි සංවර්ධනය, ගෝලීය පාලන රාමු සහ තිරසාර සංවර්ධනයේ දී නැගී එන තාක්ෂණයන්හි කාර්යභාරය කෙරෙහි සමුළුව අවධානය යොමු කරනු ඇතැයි අපේක්ෂා කෙරේ.
