අමෙරිකා එක්සත් ජනපදයේ යුරෝපීය සහචරයින් ප්රසිද්ධියේ පිළිගන්නවාට වඩා ග්රීන්ලන්තය සම්බන්ධයෙන් එක්සත් ජනපදයට වැඩි සහන ලබා දී ඇති බව උප ජනාධිපති ජේ. ඩී. වෑන්ස් පවසා තිබේ.
“අපි මුලින් ලබා ගත් ප්රමාණයට වඩා බොහෝ දේ අපට නිසැකවම ලැබී තිබෙනවා,” වෑන්ස් මෙගින් කෙලී ප්රදර්ශනයේ සම්මුඛ සාකච්ඡාවකදී ඔහු ප්රකාශ කර ඇත.
ජනාධිපති ඩොනල්ඩ් ට්රම්ප් විසින් පසුගිය මාසයේ එළිදැක්වූ “අනාගත ගිවිසුමක රාමුව” එක්සත් ජනපදයට ප්රතිලාභ ගෙන දෙන බව ඔහු මෙහිදී යෝජනා කර තිබේ.
එක්සත් ජනපදය තම අර්ධ ස්වයං පාලන ආක්ටික් දූපත අල්ලා ගැනීම සඳහා සෙසු නේටෝ මිත්ර ඩෙන්මාර්කයට එරෙහිව බලය යෙදවීමට සූදානම් බවට ඇති බිය වැඩි වීමෙන් පසු සහනයක් ලෙස ට්රම්ප්ගේ නිවේදනය පැමින තිබේ. රුසියාවෙන් සහ චීනයෙන් එල්ල විය හැකි ප්රහාරවලින් ආරක්ෂා වීමට ග්රීන්ලන්තය අවශ්ය බව ට්රම්ප් මෙහිදී ප්රකාශ කර ඇත.
ඩෙන්මාර්කය සහ ග්රීන්ලන්තය යන දෙකම ස්වෛරීභාවය අත්හැරීමට එකඟ නොවන බව පවසා ඇති නමුත් ඔවුන්ගේ යුරෝපීය සහචරයින් ඔවුන්ගේ සහයෝගයට පෙළ ගැසී තිබෙන බව අනාවරණය වේ.
ග්රීන්ලන්තය ජනාකීර්ණ නොවන නමුත් උතුරු ඇමරිකාව සහ ආක්ටික් අතර එහි පිහිටීම මිසයිල ප්රහාර වලදී පූර්ව අනතුරු ඇඟවීමේ පද්ධති සඳහා එය සුදුසු ස්ථානයක තබන බව සදහන් කර ඇත.
ට්රම්ප් සාක්ෂි නොමැතිව කියා සිටියේ එය “රුසියානු සහ චීන නැව්වලින් සෑම තැනකම වැසී ඇති” බව හා එය නිසි ලෙස ආරක්ෂා කිරීම සඳහා එක්සත් ජනපදයට ග්රීන්ලන්තය අයිති කර ගත යුතු බවත් ඔහු පවසා තිබේ.
දෙවන ලෝක යුද්ධයේ සිට එක්සත් ජනපදය විසින් ක්රියාත්මක කරන ලද පහසුකමක් වන ග්රීන්ලන්තයේ වයඹ දිග කෙළවරේ පිහිටි එක්සත් ජනපද කඳවුරක එක්සත් ජනපද හමුදා නිලධාරීන් 100 කට වැඩි පිරිසක් ස්ථිරවම ස්ථානගත කර ඇත.
ඩෙන්මාර්කය සමඟ පවතින ගිවිසුම් යටතේ, එක්සත් ජනපදයට අවශ්ය තරම් භට පිරිසක් ග්රීන්ලන්තයට ගෙන ඒමට බලය තිබේ.
ට්රම්ප් ප්රකාශයට පත් කළ සැලැස්මේ මීට පෙර එක්සත් ජනපදයට ලබා ගත නොහැකි වූ දේ පිළිබඳ විස්තර වෑන්ස් ලබා නොදුන් නමුත් චීන සහ රුසියානුවන්ට ආක්ටික් දූපතේ සැලසුම් තිබූ බව නැවත නැවතත් ප්රකාශ කර ඇත.
