අධ්යාපන ප්රතිසංස්කරණ ක්රියාවලිය සම්බන්ධ විවාදයක් හැකිනම් අද(21) දිනයේදී පවත්වන ලෙස විපක්ෂ නායක සජිත් ප්රේමදාස මහතා ආණ්ඩු පක්ෂයට අභියෝග කළේය. අගමැතිනි ආචාර්ය හරිනි අමරසූරිය මෙණෙවියට එරෙහිව විපක්ෂය විසින් ගෙන එනු ලබන විශ්වාසභංග යෝජනාව නිසි ලෙස, නිසි කලට නියමිත අත්සන් සමඟ ඉදිරිපත් කරන බවත් හැකිනම් දින තුනක අධ්යාපන විවාදය අදම (21) ආරම්භ කරන ලෙසත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව සඳහන් කළේ විශ්වාසභංග යෝජනාව මෙතෙක් පාර්ලිමේන්තුවට ඉදිරිපත් නොකිරීම සම්බන්ධයෙන් ආණ්ඩු පක්ෂයේ මැති ඇමැතිවරුන් සිදුකළ අදහස් දැක්වීම්වලට සිය ප්රතිචාරය දක්වමිනි.
එහිදී වැඩිදුරටත් අදහස් දැක්වූ විපක්ෂ නායක සජිත් ප්රේමදාස මහතා සඳහන් කළේ විපක්ෂය ඕනෑම විවාදයකට සූදානම් බවයි.
එහිදී වැඩිදුරටත් අදහස් දැක්වූ විපක්ෂ නායක සජිත් ප්රේමදාස මහතා සඳහන් කළේ විශ්වාසභංගයක් ගෙන ආ යුතු, ඉදිරිපත් කළ යුතු ක්රියාවලියක් සහ අනුගමනය කළ යුතු කාර්යපටිපාටිය ගැන ආණ්ඩුක්රම ව්යවස්ථාවේ සඳහන් බවයි. ආණ්ඩුව කියන වේලාවන්වලට නොව විපක්ෂයට අවශ්ය වේලාවට විශ්වාසභංග ගෙන එන බවද හෙතෙම පැවසීය.
විශ්වාසභංග යෝජනාව නිසි ලෙස, නිසි කලට නියමිත අත්සන් සමඟ ඉදිරිපත් කරන බවත් පුළුවන් නම් දින 3ක අධ්යාපන විවාදය හෙටම ආරම්භ කරන ලෙසත් නලින්ද ජයතිස්ස අමාත්යවරයා ප්රමුඛ රජයට අභියෝගය කරන බවත් විපක්ෂ නායකවරයා පැවසීය.
දිට්වා සුළි කුණාටුව ගැන රජයේ අකාර්යක්ෂමතාව ගැන විවාදයට සහ අධ්යාපන ප්රතිසංස්කරණ ක්රියාත්මක කිරීම ගැන විවාදයටත් විපක්ෂය සූදානම් බව විපක්ෂ නායක සජිත් ප්රේමදාස මහතා වැඩිදුරටත් පැවසීය.
ස්වර්ණා විජේකෝන්, මහින්ද අලුත්ගෙදර
