යතුරුපැදි සොරකමේ සහ රන් මාල කැඩීමේ නිරතව සිටි පුද්ගලයින් තිදෙනෙකු වරකාපොල පොලිස් අපරාධ විමර්ශන අංශ නිලධාරීන් විසින් අත්අඩංගුවට ගෙන තිබේ.
වරකාපොල පොලීසියට ලද පැමිණිල්ලක් මත අදාළ සැකකරුවන් අත්අඩංගුවට ගෙන ඇති අතර ඔවුන් විසින් ව්යාජ අංක තහඩු යොදා ගනිමින් ධාවනය කළ යතුරුපැදි දෙකක්ද මෙහිදී පොලිස් භාරයට ගෙන ඇත.
සැකකරුවන් සිදුකළ ප්රශ්න කිරීම් හමුවේ අනාවරණය වූ තොරතුරු මත සොරකම් කරන ලද තවත් යතුරුපැදියක් පොලිස් භාරයට ගෙන තිබේ.
අත්අඩංගුවට ගත් සැකකරුවන් ගිරිඋල්ල සහ දඹදෙණිය ප්රදේශවල පදිංචිකරුවන් බවත් ඔවුන් දැඩි ලෙස මත්ද්රව්යට ඇබ්බැහිවූවන් බවත් පොලීසිය පැවසීය.
සැකකරුවන් ඊයේ (15) දින වරකාපොල මහේස්ත්රාත් අධිකරණයට ඉදිරිපත් කර ඇති අතර සැකකරුවන් එහිදී එළැඹෙන 27 වැනිදා දක්වා රක්ෂිත බන්ධනාගාරගත කිරීමටද නියෝග කර තිබේ.
