හිටපු පාර්ලිමේන්තු මන්ත්රී සුජීව සේනසිංහ මහතාට අයත් බව කියන රුපියල් කෝටි දහයක් පමණ වටිනා සුඛෝපභෝගී V8 වර්ගයේ මෝටර් රථය සම්බන්ධයෙන් මෝටර් රථ ආඥා පනත යටතේ රථවාහන අධිකරණය හමුවේ නඩු පවරා ඇති බැවින් ලබන 29 අධිකරණය හමුවේ පෙනී සිටින්නැයි කොටුව මහේස්ත්රාත් ඉසුරු නෙත්තිකුමාරගේ මහතා ඊයේ (7) සුජීව සේනසිංහ මහතාට නියෝග කළේය.
V8 වර්ගයේ වාහනයක් එකලස් කළ බවට අපරාධ පරීක්ෂණ දෙපාර්තමේන්තුව පවරා ඇති නඩුව කැඳවූ අවස්ථාවේදී මහේස්ත්රාත්වරයා මෙම නියෝගය සිදු කළේය.
නඩුව කැඳවූ අවස්ථාවේදී රථවාහන ආඥා පනත යටතේ රථවාහන අධිකරණය හමුවේ නඩු පවරා ඇති බව වැඩිදුර වාර්තාවක් ඉදිරිපත් කරමින් අපරාධ පරීක්ෂණ දෙපාර්තමේන්තුව අධිකරණයට දැනුම් දුන්නේය.
සිද්ධිය සම්බන්ධයෙන් නඩුව කැඳවූ අවස්ථාවේදී ඇප මත මුදා හැර ඇති සුජීව සේනසිංහ මහතා විවෘත අධිකරණයේ පෙනී සිටියේය.
සුභාෂිණී සේනානායක
