2026 වසර සඳහා අද (06) පළමුවරට පාර්ලිමේන්තුව රැස්වී තිබෙනවා.
ඒ අනුව, අද පෙරවරු 9.30 ට කථානායක වෛද්ය ජගත් වික්රමරත්නගේ ප්රධානත්වයෙන් පාර්ලිමේන්තු කටයුතු ආරම්භ වුණා.
අද දිනයේදී ධීවර සහ ජලජ සම්පත් පනත යටතේ වන නියෝග සහ ධීවර විශ්රාම වැටුප් සහ සමාජ ආරක්ෂණ ප්රතිලාභ පනත යටතේ වන නියෝග විවාදයට ගැනීමට නියමිතයි.
ඊට අමතරව මහජන ආරක්ෂක ආඥා පනත යටතේ පසුගිය දෙසැම්බර් 28 වන දින අති විශේෂ ගැසට් පත්රයක් මඟින් ප්රකාශයට පත් කරන ලද ප්රකාශනයට අදාළ යෝජනා සම්මතය විවාදයට ගැනීමටද නියමිත බවයි සඳහන් වෙන්නේ.
එසේම පළාත් සභා ඡන්ද විමසීම කුමන මැතිවරණ ක්රමයක් යටතේ පැවැත්විය යුතු ද යන්න සොයා බලා යෝජනා සහ නිර්දේශ ඉදිරිපත් කිරීම සඳහා වන පාර්ලිමේන්තු විශේෂ කාරක සභාව ස්ථාපිත කිරීමට අදාළ යෝජනා සම්මතය ද අද දිනයේ අනුමැතිය සඳහා පාර්ලිමේන්තුවට ඉදිරිපත් කිරීමට නියමිත බව වැඩිදුරටත් දැක්වෙනවා.
