ශ්රී දළදා සමිඳුන් උදෙසා වාර්ෂිකව සිදු කෙරෙන අලුත් සහල් මංගල්යය පෞරාණික චාරිත්රානුකූලව හෙට (03) ශ්රී දළදා මාලිගාවේදී සිදු කෙරෙයි.
නව වසරේ අලුත් සහලින් උතුම් දළදා සමිඳුන් පිදීම සෑම වසරකම දුරුතු පුන් පොහෝ දින පැවැත්වෙන්නේ දළදා තේවාව භාර නායක ස්වාමින්ද්රයන් වහන්සේගේ සහ දියවඩන නිලමේවරයාගේ ප්රධානත්වයෙනි.
අලුත් සහල් මංගල්යයට අමතරව අලුත් අවුරුදු, ඇසළ පෙරහර හා කාර්තික යන මංගල්යයන් වාර්ෂිකව සතර මහා මංගල්යයන්ට අදාළව ශ්රී දළදා මැඳුරේදී පැවැත්වෙයි.
ශ්රී දළදා මාලිගාවට අයත් කෙත් වතුවලින් නෙළාගන්නා වී අස්වැන්නේ අග්ර ඵලය පල්ලේකැලේ පිහිටි ශ්රී දළදා මාලිගාවට අයත් වී අටුවේ තැන්පත් කර තැබීමෙන් පසු අලුත් සහල් මංගල්යය සඳහා අවශ්ය සහල් දළදා මාලිගාව වෙත රැගෙන එනු ලබන්නේ අලි ඇතුන් සහිත පෙරහරකිනි.
පෞරාණික චාරිත්රානුකූලව ශ්රී දළදා මාලිගාව, සිවු මහා දේවාල හා පිටිසර දේවාලවලට අයත් සහල් කොටස් වෙන් කිරීම පල්ලේකැලේ අටුවේදී සිදු කරනු ලබන්නේ ඊට පෙර දිනය. මෙවර අලුත් සහල් මංගල්යය සඳහා අවශ්ය සහල් පෙරහරින් රැගෙන ඒම පසුගිය 30 වැනිදා සිදු කෙරිණි.
අසේල කුරුළුවංශ
