විදේශ කටයුතු, විදේශ රැකියා සහ සංචාරක අමාත්ය විජිත හේරත් මහතා බංග්ලාදේශයේ හිටපු අගමැති බේගම් ඛලීඩා සියාගේ අවමංගල්යය උත්සවයට ශ්රී ලංකාව නියෝජනය කරමින් සහභාගී වීම සඳහා දිවයිනෙන් පිටත්ව යයි.
ඒ අනුව අද(31) උදෑසන බණ්ඩාරනායක ජාත්යන්තර ගුවන්තොටුපලෙන් ශ්රී ලංකා ගුවන් සමාගමට අයත් UL 189 ගුවන් යානයෙන් අමාත්යවරයා ඩකා නුවර බලා පිටව ගියේ ය.
අද සවස පැවැත්වෙන බංග්ලාදේශයේ හිටපු අගමැති බේගම් ඛලීඩා සියාගේ අවමංගල්යය උත්සවය පැවැත්වෙනු ඇත.
බංග්ලාදේශයේ පළමු කාන්තා අගමැතිනිය සහ ලොව දෙවැනි මුස්ලිම් රාජ්ය නායිකාව ලෙස ඉතිහාසයට එක්වූ 80 හැවිරිදි කලීඩා සියා ඊයේ උදෑසන මෙලොවින් සමුගත්තාය.
ඇගේ මරණය සිදුවූයේ වසර 17ක් රටින් ඈත්වී සිටි ඇගේ වැඩිමල් පුත්රයා තරික් රහ්මාන් නැවත බංග්ලාදේශයට පැමිණීමෙන් දින කිහිපයකට පසුවය. සිය මවගේ රෝගී තත්ත්වය සොයා බැලීමට සහ ඉදිරි මැතිවරණයට තරග කිරීමට නැවත මව්බිමට පැමිණි තරික්ට සියලු සහාය ලබාදීමට පියවර ගත් අන්තර්වාර රජය කලිඩාගේ අවමංගල කටයුතු පූර්ණ රාජ්ය ගෞරව සහිතව අද සිදු කිරීමට නියමිතය.
