රාගම පහලවත්ත ප්රදේශයේදී මෝටර් රථයක් තුළ තිබී T-56 වර්ගයේ ගිනි අවියක් සහ පතොරම් ගැබ් දෙකක් සොයා ගැනීමේ සිද්ධිය සම්බන්ධයෙන් සැකකරුවෙකු අත්අඩංගුවට ගෙන තිබෙනවා.
මෙම සැකකරු පොලිස් විශේෂ කාර්ය බලකාය මගින් අත්අඩංගුවට ගෙන, බස්නාහිර පළාත් උතුර අපරාධ කොට්ඨාසය වෙත භාරදී ඇති බවයි පොලිසිය සඳහන් කළේ.
රාගම පහළවත්ත ප්රදේශයේ පාලු ස්ථානයක නවතා තිබූ මෝටර් රථයක තිබී T-56 වර්ගයේ ගිනි අවියක් සහ එම පතොරම් සහිත ගැබ් දෙකක් පොලිසිය විසින් පසුගිය 23 වැනිදා රාත්රියේ සොයාගෙන තිබුණු අතර, අදාළ මෝටර් රථය කාර්මික දෝශයකට ලක්ව එම ස්ථානයේ අත්හැර දමා ගොස් තිබුණු බවත්, එම රථය පරීක්ෂා කිරීමේදී අදාළ ගිනිඅවිය හා උණ්ඩ සොයාගත් බවයි පොලිසිය පවසා සිටියේ.
