තම නිලධාරීන්ට මහ පාරේ පහරදෙන මන්ත්රීවරුන් සිටින මාලිමා ආණ්ඩුවට කඩේ යන්න පොලිස්පතිවරයාට ලැජ්ජා
නැද්දයි ශ්රී ලංකා පොදු ජන පෙරමුණේ ජාතික සංවිධායක, පාර්ලිමේන්තු මන්ත්රී නාමල් රාජපක්ෂ ප්රශ්න කරනවා.
වර්තමාන පොලිස්පතිවරයා හැසිරෙන්නේ රටේ පොලිස්පතිවරයා ලෙස නොව මාලිමාවේ පොලිස්පතිවරයා ලෙස බවද ඔහු පවසනවා.
ජාතික ජනබලවේගයේ රත්නපුර දිස්ත්රික් පාර්ලිමේන්තු මන්ත්රී ශාන්ත පද්මකුමාර පොලිස් නිලධාරියකුට පහර දුන්නේ යැයි කියන සිද්ධියක් සම්බන්ධයෙන් පසුගිය දා අනුරාධපුරයේ දී මාධ්යයට අදහස් දක්වමින් මේ බව පැවසූ නාමල් රාජපක්ෂ තවදුරටත් කියා සිටියේ මෙවැනි ක්රියා හරහා පොලිස් නිලධාරීන් ස්වාධීනව තම රාජකාරි ඉටු කිරීමට පසුබට වන බවයි.
වත්මන් ආණ්ඩුවේ ක්රියා කලාපය දෙස බලන විට සිස්ටම් එක හොඳටම චේන්ජ් වී ඇති බව පෙනෙන්නට ඇතැයි පවසන මන්ත්රීවරයා මත්ද්රව්ය සම්බන්ධයෙන් රාජපක්ෂවරුන්ට එදා චෝදනා කළ වත්මන් ආණ්ඩුවේ මන්ත්රීවරු අද ගංජා වගා කරන තැනට පත්ව ඇතැයි පෙන්වා දුන්නා.
