සුළි කුණාටු තත්ත්වයෙන් ව්යසන තත්ත්වයට පත් ශ්රී ලංකාවට සහන සැලසීමේ කටයුතු සඳහා සාගර් බන්ධු මෙහෙයුම තවදුරටත් ක්රියාත්මක කරන බව ඉන්දියාව අවධාරණය කරයි.
දිට්වා සුළි කුණාටුවෙන් පසු ඉන්දියාවේ සාගර් බන්ධු මෙහෙයුම ශ්රී ලංකාව සමඟ දිගටම රැඳී සිටිමින් ගලවා ගැනීම, අත්යවශ්ය සහන බෙදා හැරීම, භූමියේ වෛද්ය ආධාර සහ අත්යවශ්ය සේවා යථා තත්ත්වයට පත් කිරීම ඒකාබද්ධ කරමින්, ඉන්දියාවේ උත්සාහය වඩාත් බලපෑමට ලක් වූ ප්රජාව වෙත ළඟා වෙමින් බලපෑමට ලක් වූ ප්රදේශවලට සහන ලබාදෙන බව ශ්රී ලංකාවේ ඉන්දීය මහකොමසාරිස් කාර්යාලය පවසයි. නොවැම්බර් 28 වැනි දින සාගර් බන්ධු මෙහෙයුම ක්රියාත්මක කළ දිනයේ සිට ඉන්දියාව වියළි සලාක, කූඩාරම්, ටාපෝලින්, සනීපාරක්ෂක කට්ටල, අත්යවශ්ය රෙදි, ජල පිරිපහදු කට්ටල සහ ඖෂධ සහ ශල්ය උපකරණ ටොන් 4.5ක් ඇතුළුව සහන ද්රව්ය ටොන් 1058ක් පමණ ශ්රී ලංකාවට ලබාදී තිබෙන බව පෙන්වා දෙන ශ්රී ලංකාවේ ඉන්දීය මහකොමසාරිස් කාර්යාලය තවත් ටොන් 60ක උපකරණ ශ්රී ලංකාවට ගෙන එන ලද බවද INS වික්රාන්ට් සහ INS උදයගිරි ශ්රී ලංකාවට ක්ෂණික ගලවා ගැනීමේ සහ සහන ආධාර ලබාදුන් බවද කියා සිටී.
දෙසැම්බර් 1 වැනි දින INS සුකන්යා නෞකාව මෙහෙයුම් ආරම්භ කරන ලද අතර තවත් හදිසි සහන ද්රව්යයන් ගෙන එමින් නොවැම්බර් 29 වැනි දින, විශේෂඥයන් 80 දෙනෙකුගෙන් සමන්විත ජාතික ආපදා ප්රතිචාර බළකාය සහ විශේෂයෙන් පුහුණුව ලත් සුනඛයන් සහිත K9 ඒකක ඉන්දියාවෙන් පැමිණ ක්ෂණික ගලවා ගැනීමේ සහ සහන කටයුතු සඳහා සහාය වූ බවද සෙවීම් සහ ගලවා ගැනීමේ කටයුතු අවසන් කිරීමෙන් පසු, ඔවුන් 2025 දෙසැම්බර් 5 වැනි දින ඉන්දියාව බලා පිටත්ව ගිය බවද කියා සිටී.
මහින්ද අලුත්ගෙදර
