ආණ්ඩුව රාජ්ය නිලධාරීන් විශ්වාස නොකර තම න්යාය පත්රය ක්රියාත්මක කිරීමට උත්සාහ කළොත් ජනතාව දුක් විඳිනු ඇතැයි ශ්රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්රී නාමල් රාජපක්ෂ මහතා පැවසීය.
මේ ව්යසනයේදී මහජනතාව මුහුණදුන් දුෂ්කරතා ඇතිවූයේ රජය සහ රාජ්ය ආයතන අතර නිසි සම්බන්ධීකරණයක් නොමැතිකම නිසා බව හෙතෙම කීවේය.
පේරාදෙණියේ ගැටඹේ විහාරස්ථානයට ගිය අවස්ථාවේදී මාධ්ය වෙත අදහස් දක්වමින් රාජපක්ෂ මහතා මේ බව කියා සිටියේය .අයහපත් කාලගුණයෙන් පීඩාවට පත් පවුල්වලට සහාය වීම සඳහා ගම් මට්ටමේ ක්ෂේත්ර නිලධාරීන් උපරිමයෙන් කටයුතු කරන නමුත් රාජ්ය ආයතන අතර සන්නිවේදනයේ හිඩැස් නිසා ජනතාව තවදුරටත් අපහසුතාවට පත් කරන බවත් ඒ මහතා ප්රකාශ කළේය. අධ්යාපන අමාත්යාංශය දෙසැම්බර් 16දා පාසල් නැවත විවෘත කිරීමට සූදානම් වන අතර, අවතැන් වූ පවුල් රාශියක් තවමත් පාසල් ගොඩනැඟිලිවල නවාතැන්ගෙන සිටින බවත් හෙතෙම පෙන්වා දුන්නේය.
මන්ත්රීවරයා වැඩිදුරටත් මෙසේ ද පැවසීය.
“ජාතික ගොඩනැඟිලි පර්යේෂණ සංවිධානය (NBRO) අනාරක්ෂිත නිවාස ඉවත් කරන ලෙස ජනතාවට උපදෙස් දෙන අතරම අවතැන් වූ පුද්ගලයන්ට නැවත පාසල් විවෘත කිරීම සඳහා පාසල්වලින් ඉවත් වන ලෙස ඉල්ලා සිටිනවා. මේ තත්ත්වය පරස්පර විරෝධී සහ දුර්වල සම්බන්ධීකරණයක්. පාර්ලිමේන්තුව ඉක්මනින් නැවත කැඳවීමෙන් ආණ්ඩුවට ජනතාව මුහුණදෙන ගැටලු වඩා හොඳින් තේරුම් ගැනීමට සහ ඒවාට ප්රතිචාර දැක්වීමට හැකි වෙනවා. ශක්තිමත් පරිපාලන ව්යුහයක් සහ රජයේ නිලධාරීන් කෙරෙහි විශ්වාසයක් අත්යවශ්යයි. ආපදාව පිළිබඳ පූර්ව අනතුරු ඇඟවීම් සහ තොරතුරු ජනතාවට සන්නිවේදනය කළේ කෙසේද යන්න විමර්ශනය කිරීමට තේරීම් කමිටුවක් පත් කළ යුතුයි. රජය බොහෝ පොරොන්දු දී ඇති අතර ඒ පොරොන්දු ඉටු කළ යුතුයි. ජනාධිපතිවරයා අවශ්ය පියවර ගන්නේදැයි බලා සිටිනවා. අවශ්ය නම් සම්බන්ධීකරණයට සහාය වීමට සූදානම්.”
නුවන් කොඩිකාර
