අයහපත් කාලගුණය හේතුවෙන් දින නියමයක් නොමැතිව කල් දැමූ උසස් පෙළ විභාගය නැවත ආරම්භ කිරීම සම්බන්ධයෙන් මේ සතියේ දී තීරණයක් ගන්නා බව විභාග කොමසාරිස් ජනරාල් ඉන්දිකා ලියනගේ මහත්මිය පැවසුවාය.
ආපදාවලට ලක්වූ සිසුන්, කාර්ය මණ්ඩලය, නිලධාරීන් මෙන්ම විභාග මධ්යස්ථානවල තත්තවයන් සම්බන්ධයෙන් සියලු ප්රාදේශීය ලේකම්වරුන් මෙන්ම කලාප කාර්යාලවලින් අවශ්ය දත්ත ලබාගැනීමෙන් අනතුරුව එම දිනය තීරණය කරන බවත් ඇය කීවාය.
විභාග මධ්යස්ථාන ආශ්රිත පාසල් හා මහාමාර්ග ගංවතුරෙන්, පස්කඳු කඩාවැටීම් හේතුවෙන් අවහිර වී ඇති අතර පාසල් දරුවන්ගේ සහ කාර්ය මණ්ඩලවල අපහසුතාව සැලකිල්ලට ගනිමින් විභාග කල් දැමීමට තීරණය කළ බව කී ඒ මහත්මිය මේ වනවිට තත්ත්වය තවත් දරුණු වී ඇතැයිද කීවාය.
සුභාෂිණී සේනානායක
