දිට්වා සුළිකුණාටුව කන්කසන්තුරය සිට කිලෝමීටර් 210ක් ඊසාන දෙසින්, අක්ෂාංශ 11.4ක් සහ දේශාංශ 80.6ක් ආසන්නයේ කේන්ද්‍රගතව ඇති බව කාලගුණ විද්‍යා දෙපාර්තමේන්තුව සදහන් කරයි.
මෙම පද්ධතිය දිවයිනෙන් ඉවතට, උතුරු දෙසට ගමන් කරමින් පවතී.
එබැවින් මෙම පද්ධතියේ බලපෑම හේතුවෙන් ත්‍රිකුණාමලය සිට කන්කසන්තුරය හරහා මන්නාරම දක්වා වන මුහුදු ප්‍රදේශවල සුළං වේගය පැයට කිලෝමීටර් 50-60ත් පමණ වන අතර විටින් විට පැයට කි.මි. 70දක්වා වන ප්‍රහාරාත්මක සුළං ඇතිවිය හැකි බව කාලගුණ විද්‍යා දෙපාර්තමේන්තුව අද(30) සවස 3.00ට නිකුත් කළ නිවේදනයේ දැක්වේ.
ත්‍රිකුණාමලය සිට කන්කසන්තුරය හරහා මන්නාරම දක්වා වන මුහුදු ප්‍රදේශවල තවදුරටත් ධීවර හා නාවුක කටයුතුවලින් වැළකී සිටින ලෙස කාලගුණ විද්‍යා දෙපාර්තමේන්තුව දැනුම් දෙයි.
