නුවරඑළිය – පූඬළුඔය මාර්ග දෙක අතර, රම්බඩගම ගම්මානය මැද කොටස නායගොස් ඇති බව මේ වන විට අනාවරණය වී තිබෙනවා.
මෙම නායයෑම පසුගිය 27 වැනිදා රාත්‍රීයේ සහ ඊයේ (28) අලුයම සිදුව ඇති බවයි වාර්තා වෙන්නේ.
එම ස්ථානයට ළඟාවීම සම්පූර්ණයෙන්ම අවහිර වී ඇති අතර, නායයෑම හේතුවෙන් මියගිය පුද්ගලයින්ගේ සිරුරු ඉවත් කිරීමට හෝ තුවාලකරුවන් රෝහල්ගත කිරීමට නොහැකිව දැඩි අසීරුතාවයකට පත්ව ඇති බවයි සඳහන් වන්නේ.
එම ප්‍රදේශයට විදුලිය නොමැති අතර, දුරකථන සංඥා සියල්ල ක්‍රියා විරහිත වී ඇති බවත්, පුද්ගලයින් 50 කට ආසන්න සංඛ්‍යාවක් එම නායයෑම හේතුවෙන් සිරවී ඇති බවයි වැඩිදුරටත් වාර්තා වන්නේ.
