දිට්වා සුළි කුණාටුව හේතුවෙන් තම ආදරණීයන් අහිමි වූ ශ්‍රී ලංකාවේ ජනතාව වෙත තමන්ගේ හෘදයාංගම ශෝකය පළ කරන බවත්, පීඩාවට පත් සියලු දෙනාට ආරක්ෂාව, සුවපහසුව සහ කඩිනම් සුවය ප්‍රාර්ථනා කරන බවත් ඉන්දීය අග්‍රාමාත්‍ය නරේන්ද්‍ර මෝදි පවසනවා.
තම සමීපතම සමුද්‍රීය අසල්වැසියා ලෙස ශ්‍රී ලංකාවට සහයෝගය දක්වමින්, ඉන්දියාව විසින් හදිසි සහන ද්‍රව්‍ය සහ අත්‍යවශ්‍ය මානුෂීය ආධාර සහ ආපදා සහන දැනටමත් පිටත් කර යවා ඇති බවත්, පවතින තත්ත්වය අනුව තවත් ආධාර සහ සහයෝගය ලබා දීමට තමන් සූදානම්ව සිටින බවයි සිය X ගිණුමේ සටහනක් තබමින් ඉන්දීය අග්‍රාමාත්‍යවරයා පවසා ඇත්තේ.
ශ්‍රී ලංකාවට අවශ්‍යම අවස්ථාවේදී ඉන්දියාව ස්ථිරවම ඒ වෙනුවෙන් පෙනී සිටින බවයි ඉන්දීය අග්‍රාමාත්‍ය නරේන්ද්‍ර මෝදි වැඩිදුරටත් සඳහන් කර සිටින්නේ.
