මහ ඔය ද්‍රෝණිය සඳහා ගංවතුර අධි අවදානම් නිවේදනයක් නිකුත් කර තිබෙනවා.
මහ ඔය ද්‍රෝණියේ ඉහළ ධාරා ප්‍රදේශවලට පසුගිය පැය 24ක කාලය තුළ දැඩි වර්ෂාපතනයක් වාර්තා වී ඇති බවයි සඳහන් වෙන්නේ.
මහ ඔය නිම්නයේ පහත්බිම්වලට මෑත ඉතිහාසයේ ඇති නොවුණු මට්ටමේ අධි අවදානම් ගංවතුරක් ඇති විය හැකි බවට වාරිමාර්ග දෙපාර්තමේන්තුව පුරෝකථනය කර තිබෙනවා.
ගිරිඋල්ල සහ බඩල්ගම මාපකයන් හි ජල මට්ටම විශාල ලෙස වැඩිවී ඇති අතර, දිවුලපිටිය, අලව්ව, කටාන, මීරිගම, දංකොටුව, පන්නල, නාරම්මල, මීගමුව හා වෙන්නප්පු යන ප්‍රදේශවල පහත්බිම් යටවීමේ අවදානමක් පවතින බවයි වාරිමාර්ග දෙපාර්තමේන්තුව සඳහන් කළේ.
එම නිසා, පහත් බිම්වල සිටින ජනතාවට විමසිල්ලෙන් පසුවන ලෙසත්, හැකි ඉක්මනින් ආරක්ෂිත ස්ථානයන් කරා ළඟා වන ලෙසත් දැනුම් දී තිබෙනවා.
