ශ්‍රී ලංකා පොදුජන පෙරමුණ ප්‍රමුඛ විපක්ෂයේ දේශපාලන පක්ෂ කිහිපයක් නුගේගොඩදී අද දිනයේ පැවැත් වීමට සූදානම් කර ඇති රැලියට සහභාගි නොවීමට සමගි ජන බලවේගය තීන්දුවක් ගෙන ඇතැයි පාර්ලිමේන්තු මන්ත්‍රී හෙක්ටර් අප්පුහාමි මහතා පැවසීය.
මෙය විපක්ෂයේ අනෙකුත් දේශපාලන පක්ෂ සමඟ අමනාපවී හෝ රැලිය කඩාකප්පල් කිරීමට ගත් තීරණයක් නොවන බවත් ඔහු කීය.
සමගි ජන බලවේග ප්‍රධාන කාර්යාලයේ ඊයේ (20) පැවැති මාධ්‍ය හමුවට සහභාගි වෙමින් පාර්ලිමේන්තු මන්ත්‍රී හෙක්ටර් අප්පුහාමි මහතා මේ බව ප්‍රකාශ කළේය.
