2025 අගෝස්තු මස 10 වැනි දින පැවති 5 ශ්‍රේණිය ශිෂ්‍යත්ව විභාගයෙහි නැවත සමීක්ෂණ ප්‍රතිඵල නිකුත් කර තිබෙනවා.
එම ප්‍රතිඵල ශ්‍රී ලංකා විභාග දෙපාර්තමේන්තුවේ නිල වෙබ් අඩවිය වන www.doenets.lk හෝ www.results.exams.gov.lk වෙත පිවිස විභාග අංකය ඇතුළත් කිරීමෙන් ලබා ගත හැකි බවයි විභාග දෙපාර්තමේන්තුව සඳහන් කළේ.
එමෙන්ම, ප්‍රතිඵල සම්බන්ධයෙන් යම් ගැටලුවක් වේ නම්, ඒ සඳහා ශ්‍රී ලංකා විභාග දෙපාර්තමේන්තුවේ පාසල් විභාග සංවිධාන හා ප්‍රතිඵල ශාඛාවේ 1911, 0112784208, 0112784537, 0112785922, 0112784422 යන දුරකථන අංක ඔස්සේ විමසීම් කිරීමේ හැකියාව පවතිනවා.
