වෙඩි තබන බවට තර්ජනය කර, බිය ගන්වමින්, කප්පම් ගැනීමේ නිරතව සිටි පුද්ගලයෙක් කිරිවත්තුඩුව, මිල්ලගහවත්ත ප්‍රදේශයේදී පොලීසිය විසින් අත්අඩංගුවට ගෙන තිබෙනවා.
සැකකරු විසින් සිදු කළ වෙඩි තැබීමකින් අවුරුදු 49 ක කාන්තාවක් තුවාල ලබා කහතුඩුව, වෑතර දිසා රෝහලට ඇතුළත් කර ඇති බවද පොලීසිය සඳහන් කළා.
සැකකරු සතුව තිබී මෙරට නිෂ්පාදිත ජීව අත් බෝම්බයක් සහ මන්නයක් ද පොලිස් භාරයට ගෙන ඇති අතර, මත්ද්‍රව්‍ය පානය කිරීම සඳහා මුදල් සොයා ගැනීමේ අරමුණින් මෙම කප්පම් ගැනීම් සිදු කර ඇති බවයි සඳහන් වන්නේ.
වයස අවුරුදු 32 ක් වන අදාළ සැකකරු කැස්බෑව මහේස්ත්‍රාත් අධිකරණයට ඉදිරිපත් කිරීමට නියමිත අතර, සිද්ධිය සම්බන්ධයෙන් වැඩිදුර විමර්ශන ක්‍රියාත්මකයි.
