බදුල්ල – පස්සර 9 කණුව ප්‍රදේශයේ නිවසක තිබි අභිරහස ලෙස මියගිය පුද්ගලයන් දෙදෙනෙකුගේ මළ සිරුර පොලිසිය විසින් සොයාගෙන තිබෙනවා.
මෙලෙස මියගොස් ඇත්තේ වයස අවුරුදු 26 සහ 38 වියේ පසුවන පස්සර හා ගම්පොල යන ප්‍රදේශවල පදිංචිකරුවන් බවයි පොලිසිය සදහන් කළේ.
ප්‍රදේශවාසීයෙකු විසින් පොලිසියට කළ දැනුම්දීමක් මත අද (31) උදෑසන මෙම මළ සිරුරු සොයාගෙන තිබුණා.
පොලිස් නිලධාරීන් විසින් සිදුකල මුලික විමර්ශන වලදි මියගොස් සිටින එක් පුද්ගලයෙකු අතෙහි තිබී සිරින්ජරයක් සොයාගෙන තිබෙනවා.
පසුව සිදුකළ විමර්ශනවලදී අනාවරණය වී ඇත්තේ මොවුන් දීර්ඝ කාලයක සිට මත්ද්‍රව්‍ය සදහා දැඩිලෙස ඇබ්බැහිව සිටි පුද්ගලයන් දෙදෙනෙකු බවයි.
ඒ අනුව, ඔවුන් මත්ද්‍රව්‍ය අධිමාත්‍රාවකින් භාවිතා කිරීම නිසා මෙම මරණ සිදුවී ඇති බවට පොලිසිය සැක පළ කරනවා.
