ඕස්ට්‍රේලියාවේ සංක්‍රමණ-විරෝධී පෙළපාලි සඳහා දහස් ගණනක් ඕස්ට්‍රේලියානුවන් අද එරට පුරා එක්ව සිටින බව විදෙස් මාධ්‍ය වාර්තා කරනවා.
මෙම පෙළපාලි මගින් වෛරය පැතිරවීමට උත්සාහ කරන අතර නව-නාසිවාදීන් සමඟ සම්බන්ධතා ඇති කරන බවයි එරට රජය පවසන්නේ.
මෙම කණ්ඩායමේ වෙබ් අඩවියට අනුව, සිඩ්නි සහ අනෙකුත් ප්‍රාන්ත අගනගරවල සහ ප්‍රාදේශීය මධ්‍යස්ථානවල සංක්‍රමණයට එරෙහිව “ඕස්ට්‍රේලියාව සඳහා මාර්තු” (March for Australia) නමින් පෙළපාලි පැවත්වා තිබෙනවා.
“මහා පරිමාණ සංක්‍රමණය අපගේ ප්‍රජාවන් එකට තබා ගත් බැඳීම් ඉරා දමා ඇත,” යනුවෙන් එම වෙබ් අඩවියේ සඳහන්. ඔවුන් ඉකුත් සෙනසුරාදා X හි පළ කළේ, “ප්‍රධාන ධාරාවේ දේශපාලඥයින්ට කිසිදා නොතිබූ ධෛර්යය ඇතිව” මහා පරිමාණ සංක්‍රමණය අවසන් කරන ලෙස ඉල්ලා සිටීම මෙම පෙළපාලිවල අරමුණ බවයි.
”මෙම පෙළපාලිය අපි අනිවාර්යයෙන්ම හෙළා දකිනවා. එය සමාජ සංහිඳියාව වැඩි කිරීමක් නොවේ” යනුවෙන් රජයේ ජ්‍යෙෂ්ඨ අමාත්‍යවරයෙකු වන මරේ වොට් (Murray Watt) ස්කයි නිව්ස් රූපවාහිනියට පවසා ඇති බවයි විදෙස් මාධ්‍ය වාර්තා කරන්නේ.
රටේ වැඩිම ජනගහනයක් වෙසෙන සිඩ්නි නගරයේ පැවති පෙළපාලිය ගැන විමසූ විටයි ඔහු මෙසේ අදහස් දක්වා තිබෙන්නේ.
මේ අතර මෙම පෙළපාලි නව-නාසි කණ්ඩායම් විසින් සංවිධානය කර ප්‍රවර්ධනය කරන බව අවධාරණය කරනවා.
ඒ අනූව “වෛරය පතුරුවන සහ අපගේ ප්‍රජාව බෙදන මෙවැනි පෙළපාලි අපි අනුමත කරන්නේ නැහැ.” යනුවෙන් ඔහු ප්‍රකාශ කර තිබෙනවා.
නව-නාසි චෝදනා සම්බන්ධයෙන් අදහස් දැක්වීමක් සඳහා උද්ඝෝෂණ සංවිධායකයින් ප්‍රතිචාර නොදැක්වූ බවද එම මාධ්‍ය වාර්තා කරනවා.
කෙසේ වෙතත් එම විරෝධතාකරුවන් ඔවුන්ගේ කෝපය ප්‍රකාශ කරමින් සිටින බවයි විදෙස් මාධ්‍ය වාර්තා කරන්නේ.
ඕස්ට්‍රේලියානු ගුවන්විදුලි සංස්ථාව වාර්තා කළේ, ඕස්ට්‍රේලියානු කොඩිවලින් සැරසුණු 5,000ත් 8,000ත් අතර පිරිසක් සිඩ්නි පෙළපාලියට එක්ව සිටි බවයි.
මෙය සිඩ්නි මැරතන් ධාවන පථය ආසන්නයේ පැවැත්වුණු අතර, එහිදී ඉරිදා 35,000ක් පමණ නගරයේ ඔපෙරා හවුස් ආසන්නයට පැමිණ තිබෙන බවයි වාර්තා වෙන්නේ.
මෙහිදී ඒ ආසන්නයේම, සරණාගත ක්‍රියාකාරී සන්ධානය (Refugee Action Coalition) නම් ප්‍රජා ක්‍රියාකාරී සංවිධානයක් විසින් ප්‍රති-පෙළපාලියක් ද පවත්වා ඇති බව සඳහන්.
එම සංවිධානයේ ප්‍රකාශකයෙකු කියා සිටියේ ‘ඕස්ට්‍රේලියාව සඳහා මාර්තු’ හි අන්ත දක්ෂිණාංශික න්‍යාය පත්‍රය පිළිබඳ පිළිකුල ඩ්නද්වක්නිවන බවයි.
එමෙන්ම සංවිධායකයින් පැවසුවේ එම උද්ඝෝෂණයට සිය ගණනක් සහභාගී වූ බවයි.
මේ අනූව වික්ටෝරියා ප්‍රාන්තයේ, මෙල්බර්න් මධ්‍යයේ ද ‘ඕස්ට්‍රේලියාව සඳහා මාර්තු’ වෙනුවෙන් විශාල පෙළපාලියක් පවත්වා තිබෙනවා.
එම උද්ඝෝෂණය මර්දන සඳහා ආරක්ෂක අංශ නිලධාරීන් විරෝධතාකරුවන්ට ගම්මිරිස් ස්ප්‍රේ ප්‍රහාර දියත් කළ බවද සඳහන්.
පවසා ඇත්තේ..
එරට කුඩා ජනප්‍රිය පක්ෂයක නායකයෙකු වන බොබ් කැටර් (Bob Katter), ක්වීන්ස්ලන්තයේ ‘ඕස්ට්‍රේලියාව සඳහා මාර්තු’ පෙළපාලියකට සහභාගී වූ බව පක්ෂ ප්‍රකාශකයෙකු කියා තිබෙනවා.
මෙම ප්‍රවීණ නීති සම්පාදකයා මාධ්‍ය හමුවකදී වාර්තාකරුවෙකුට තර්ජනය කර දින තුනකට පසුව මෙය සිදුව තිබෙනවා.
“රටේ ධාරිතාව පිරී ඉතිරී ගොස් ඇති අතර අපේ රජය වැඩි වැඩියෙන් මිනිසුන් ගෙන එනවා.අපේ දරුවන් නිවාස ලබා ගැනීමට පොරබදිනවා, අපේ රෝහල්වල පැය හතක් බලා සිටීමට සිදු වෙනවා, අපේ මාර්ගවල තදබදය වැඩියි.” යනුවෙන් ජනතාව පවසන බවයි එරට මාධ්‍ය වාර්තා කරන්නේ.
