යුක්රේනයේ ජාතික ආරක්ෂක සහ ආරක්ෂක කවුන්සිලයේ හිටපු ප්‍රධානී ඇන්ඩ්‍රි පරුබි වෙඩි තබා ඝාතනය කර තිබෙනවා.
ලිවිව්හිදී ඔහු ඝාතනයට ලක්ව ඇති බව යුක්රේන ජනපති ව්ලොද්මියර් සෙලෙන්ස්කි නිවේදනය කළ බවයි එරට වාර්තා පවසන්නේ.
නිල නොවන තොරතුරු උපුටා දක්වමින් එරට මාධ්‍ය වාර්තා කරන්නේ ඩිලිවරි කුරියර්කරුවකු වැනි පෙනුමැති අයෙක් විදුලි පැදියකින් පැමිණවෙඩි තබා ඇති බවයි.
අද දහවල් කාලයේදී මෙම වෙඩිතැබීම සිදුව තිබුණා.
ටෙලිග්‍රෑම් සමාජ ජාලය ඔස්සේ ප්‍රකාශයක් නිකුත් කරමින් සෙලෙන්ස්කි පැවසන්නේ යුක්රේන අභ්‍යන්තර කටයුතු අමාත්‍ය ඉහෝර් ක්ලිමෙන්කෝ සහ නීතිපති ජෙනරාල් රුස්ලාන් ක්‍රව්චෙන්කෝ විසින් මෙම පුවත තමාට වාර්තා කළ බවයි.
සෙලෙන්ස්කිට අනුව, නීතිය ක්‍රියාත්මක කරන නිලධාරීන් ඔහුට පවසා ඇත්තේ “ලිවිව්හි සිදු වූ බිහිසුණු ඝාතනය වටා ඇති මූලික තොරතුරු” පමණක් බවයි.
“ඇන්ඩ්‍රි පරුබි අභාවප්‍රාප්ත වුණා. ඔහුගේ ආදරණීයයන්ට සහ සමීප ඥාතීන්ට මගේ ශෝකය පළ කරනවා. ඝාතකයා සොයා විමර්ශනය කිරීම සහ සෙවීම සඳහා අවශ්‍ය සියලු කටයුතු සහ පිරිස් ස්ථානගත කර තිබෙනවා” ඔහු පැවසීය.
ඇන්ඩ්‍රි පරුබි යුක්රේනයේ කථානායකවරයා ලෙස ද කලක් කටයුතු කර තිබුණා.
