අධ්‍යාපන කවුන්සිලය පිහිටුවීම සඳහා වන අමාත්‍යාංශයීය කමිටුව ප්‍රථම වරට ඊයේ අධ්‍යාපන අමාත්‍යාංශයේදී රැස්වුණා.
අධ්‍යාපන අමාත්‍යවරිය ලෙස අග්‍රාමාත්‍ය ආචාර්ය හරිනි අමරසූරියගේ ප්‍රධානත්වයෙන් මෙම කමිටුව රැස්වූ අතර එහිදී අධ්‍යාපන කවුන්සිලය පිහිටුවීම සඳහා පත් කර ඇති කමිටුවේ ඉදිරි කටයුතු සම්බන්ධයෙන් සාකච්ඡා වී තිබෙනවා.
මෙම හමුවට අධ්‍යාපන හා උසස් අධ්‍යාපන නියෝජ්‍ය අමාත්‍ය වෛද්‍ය මධුර සෙනෙවිරත්න, අධ්‍යාපන කවුන්සිලය පිහිටුවීම සඳහා වන පාර්ලිමේන්තු අනුකමිටුවේ සභාපති නියෝජ්‍ය අමාත්‍ය, මහින්ද ජයසිංහ එක්ව තිබුණා.
එමෙන්ම අධ්‍යාපන ක්ෂේත්‍රයේ පැන නැගිය හැකි ගැටලු නිරාකරණය කරගැනීම පිළිබඳ මෙහිදී වැඩිදුරටත් සාකච්ඡා වූ බවයි අධ්‍යාපන අමාත්‍යාංශය සඳහන් කළේ.
