ශ්‍රී ලංකා මහ බැංකු අධිපති ආචාර්ය නන්දලාල් වීරසිංහ, Global Finance’s Central Banker Report Cards 2025 හිදී ‘A’ ශ්‍රේණියක් ලබා ගැනීමට සමත් වී තිබෙනවා.
ඒ අනුව, ශ්‍රී ලංකාව මුහුණ දුන් ආර්ථික අර්බුදයේදී මෙරට ආර්ථිකය ස්ථාවර කිරීමට ඔහු දැක්වූ සුවිශේෂී දායකත්වය සහ උපායමාර්ගික දැනුම සැලකිල්ලට ගෙන ඔහුට මෙම ‘A’ ශ්‍රේණිය ලබා දී ඇති බවයි සඳහන් වන්නේ.
උද්ධමනය පාලනය, ආර්ථික වර්ධන ඉලක්ක, මුදල් ස්ථාවරත්වය, පොලී අනුපාත කළමනාකරණය සහ දේශපාලන ස්වාධීනත්වය වැනි ක්ෂේත්‍රවල සාර්ථකත්වය මත ‘A+’ සිට ‘F’ දක්වා වූ කාණ්ඩ යටතේ මෙලෙස ලොව පුරා සිටින මහ බැංකු අධිපතිවරුන්ගේ සාර්ථකත්වය සහ අසාර්ථකත්වය මනින බවයි සඳහන් වන්නේ.
