බණ්ඩාරගම, බොල්ගොඩ පාලම අසලදී හිටපු බන්ධනාගාර නිලධාරියෙකුට වෙඩි තබා ඝාතනය කිරීමට ආධාර අනුබල දුන් සැකකරුවන් දෙදෙනෙක් පානදුර, මෝදරවිල ප්‍රදේශයේදී පොලීසිය විසින් අත්අඩංගුවට ගෙන තිබෙනවා.
එසේ අත්අඩංගුවට ගත් සැකකරුවන් අවුරුදු 18 සහ 21 වයස්වල පසුවන, පානදුර ප්‍රදේශයේ පදිංචිකරුවන් බවයි පොලීසිය සඳහන් කළේ.
වෙඩි තැබීම සඳහා වෙඩික්කරුවන් පැමිණි යතුරුපැදිය බවට සැක කෙරෙන ව්‍යාජ අංක තහඩු සවි කරන ලද යතුරුපැදියක්, ව්‍යාජ ගමන් බලපත්‍රයක්, රක්ෂණ සහතිකයක්, ආදායම් බලපත්‍රයක් සහ ව්‍යාජ අංක තහඩු යුගලයක් සැකකරුවන් සතුව තිබී පොලිස් භාරයට ගෙන ඇති බවයි සඳහන් වන්නේ.
බණ්ඩාරගම පොලීසිය සිද්ධිය සම්බන්ධයෙන් වැඩිදුර විමර්ශන සිදු කරනවා.
